|| ಲಕ್ಷ್ಮಿ ಹಾಡು ||
ಬಾರಮ್ಮ ಸಿರಿ ಮಹಾಲಕ್ಷ್ಮಿ
ಬಾರಮ್ಮ ಶ್ರೀ ವರಲಕ್ಷ್ಮೀ
ಬಾರಮ್ಮ ಶ್ರೀ ವರಲಕ್ಷ್ಮಿ
ಬಾಗಿಲ ಒಳಗೇ ಭಾಗ್ಯದ ಲಕ್ಷ್ಮಿ ||ಪ||
ಮೆಲ್ಲಗೆ ಹೆಜ್ಜೆಯ ಇಕ್ಕುತಾ
ಘಲ್ಲಾನೆ ಗೆಜ್ಜೆ ನಾದ ಮಾಡುತಾ
ಮಲ್ಲಿಗೆ ಹೂವಿನಂತ ಪಾದವ ಮುಂದೆ ಇಟ್ಟು
ದಯ ಮಾಡಿಸಮ್ಮ ಜನನಿ ಶ್ರೀ ಲಕ್ಷ್ಮೀ
ಕೈಟಭಾರಿ ವಿಷ್ಣುವ ಕೌಸ್ತುಭ ಮಣಿಹಾರನ
ಹೃದಯ ರಾಜ್ಯ ವಿಹಾರಿಣಿ ಮಹಾಲಕ್ಷ್ಮಿ ಜನನಿ||೧||
ಹೂವೊಳು ಕೋಮಲ ಸುಮ ಕರದಲಿ
ವರಗಳ ಸುರಿಮಳೆ ದಿನ ಕರೆವವಳೇ
ರವಿ ಚಂದ್ರಾಗ್ನಿಯ ಪೂಜೆಯ ಪಡೆವೋಳೆ
ಸೌಂದರ್ಯಕ್ಕೆ ಸಾಟಿ ಯಾವುದಮ್ಮ||೨||
0 ಕಾಮೆಂಟ್‌ಗಳು