|| ವೇಂಕಟಾಚಲ_ಪಂಚಮಿ ||
ರಚನೆ : ಅಂಬಾಸುತ
ಪಂಚಮಿ ಪುಣ್ಯ ದಿನ ಪ್ರಪಂಚವೇ ತಾನಾದ
ಪರಮಾತ್ಮ ಗುರುನಾಥ ಅವಧೂತ...||ಪ||
ಅಷಾಢದ ಮಾಸ ಪಕ್ಷವು ಕೃಷ್ಣವು
ಪುಣ್ಯಕಾಲವದು ಪ್ರಪಂಚದಾಟದೊಳು....||ಅ.ಪ||
ಸೇವೆ ಸಾಧನೆಯೆಂದು ಸಾರಿದ ಸಾಧು
ಗುರುತತ್ವವ ಬೋಧಿಸಿದಾ ಆತ್ಮಬಂಧು
ಭಕುತರ ಪಾಲಿನ ಭಗವಂತನು ಇಂದು
ಬದುಕುವುದ ಬದುಕಿ ತೋರಿಸಿದಾ ಜ್ಞಾನ ಸಿಂಧು...||೧||
ನೊಂದವರ ನೋವಿಗೆ ತಾಯ್ಮಡಿಲಾದ
ಬಂದವರ ಹಸಿವ ಪೂರ್ಣದಿ ತಣಿಸಿದ
ದಾರಿ ಕಾಣದೆ ನಿಂತವರ ಕೈಪಿಡಿದು
ನೆಡೆಸಿದ ಮಾರ್ಗಬಂಧು ಗುರಿ ತೋರಿಸಿದಾ...||೨||
ಭಾವದ ಒಳಗಿಹೆನು ದೇಹದೊಳಲ್ಲ...
ಎನುತ ಸಂತೈಸಿದ ನಿಜ ಭಾಗ್ಯ ವಿಧಾತ
ಸುಖಪುರದವ ಸಮಚಿತ್ತವ ನೀವಾತ
ಅಂಬಾಸುತನ ಅಂತರಂಗದ ದೊರೆ ಖ್ಯಾತ...||೩||
0 ಕಾಮೆಂಟ್‌ಗಳು