|| ಅಂಬಾ ಸ್ತುತಿ ||
ಅಂಬಾ ಶಿವೆ ಶಂಕರಿ ಜಗದಂಬಾ ಪರಮೇಶ್ವರಿ
ಅಂಬಾ ಮೂಕಾಂಬ ಹೇರಂಬಾ ಜನನಿ
ಸೂರ್ಯ ಬಿಂಬೆ ಸೌರಂಬೆ ನಾ ನಂಬಿ ಬಂದಿಹೆ ತಾಯೆ
||ಪ||
ಗೌರಿ ಹರಿಸೋದರಿ ಭಯದೂರಿ ಕರುಣಾಕರಿ
ಧೀರೆ ಓಂಕಾರೆ ವಿಸ್ತಾರೆ ಮುಂದಿನ ದಾರಿ
ತೋರೆ ಉದಾರೆ ಗಂಭೀರೆ ವಂದಿಪೆ ತಾಯೆ||೧||
ಶಾಂತಿ ಜಯಾ ಭಾರತಿ
ಗುಣವಂತೆ ನಿನಗಾರತಿ
ಸಂತತ ನಿಂತಿರೆ ಎನ್ನಂತರಂಗದಿ
ನಿಶ್ಚಿಂತೆ ವೇದಾಂತೆ ಗುಣವಂತೆ ಶಾರದಾಮಾತೆ||೨||
ದಾಸಾತ್ಮಕೆ ಶಾಂಭವಿ
ವರ ಪಾಶಾಂತಕೆ ಭೈರವಿ
ವಾಸ ಕೈಲಾಸಗಿರೀಶನಾಗಿರುತಿರ್ಪ
ಈಶ ಸರ್ವೇಶ ಮಹೇಶನ ಪ್ರಿಯದರಸಿ||೩||
0 ಕಾಮೆಂಟ್ಗಳು