ಕಲ್ಯಾಣ ವೃಷ್ಟಿ ಸ್ತವಂ
ಕಲ್ಯಾಣ ವೃಷ್ಟಿಭಿರಿವಾಮೃತ ಪೂರಿತಾಭಿ಼ಃ
ಲಕ್ಷ್ಮೀ ಸ್ವಯಂ ವರಣ ಮಂಗಲ ದೀಪಿಕಾಭಿಃ
ಸೇವಾಭಿರಂಬ ತವ ಪದ ಸರೋಜ ಮೂಲೇ,
ನಾಕಾರಿ ಕಿಂ ಮನಸಿ ಭಾಗ್ಯವತಾಂ ಜನಾನಾಂ ೧.
ಏತಾವದೇವ ಜನನಿ ಸ್ಪೃಹನೀಯಮಾಸ್ತೇ,
ತ್ವದ್ ವಂದನೇಷು ಸಲಿಲ ಸ್ಥಗಿತೇ ಚ ನೇತ್ರೇ |
ಸಾನ್ನಿಧ್ಯ ಮುಧ್ಯ ತರುಣಾಯುತ ಸೋದರಸ್ಯ,
ತ್ವದ್ ವಿಗ್ರಹಸ್ಯ ಪರಯಾ ಸುಧಾಯಾಪ್ಲುತಸ್ಯ|| ೨.
ಈಶತ್ವನಾಮ ಕಲುಷಾಃ ಕತಿ ವಾ ನ ಸಂತಿ,
ಬ್ರಹ್ಮಾದಯಃ ಪ್ರತಿಭವಂ ಪ್ರಲಯಾಭಿ ಭೂತಾಃ
ಏಕಃ ಸ ಏವ ಜಗತಿ ಸ್ಥಿರ ಸಿದ್ಧಿರಾಸ್ತೇ
ಯಃ ಪಾದಯೋಸ್ತವ ಸಕೃತ್ ಪ್ರಣತಿಂ ಕರೋತಿ ೩.
ಲಬ್ಧ್ವಾ ಸಕೃತ್ ತ್ರಿಪುರ ಸುಂದರಿ ತಾವಕೀನಂ
ಕಾರುಣ್ಯ ಕಂದಲಿತ ಕಾಂತಿ ಭರಂ ಕಟಾಕ್ಷಂ |
ಕಂದರ್ಪ ಕೋಟಿ ಸುಭಗಾ ಸ್ತ್ವಯಿ ಭಕ್ತಿ ಭಾಜಃ
ಸಮ್ಮೋಹಯಂತಿ ತರುಣೀರ್ ರ್ಭುವನ ತ್ರಯೇಪಿ|೪.
ಹ್ರೀಂಕಾರಮೇವ ತವ ನಾಮ ಗುಣಂತಿ ವೇದಾ
ಮಾತಸ್ತ್ರಿಕೋಣ ನಿಲಯೇ ತ್ರಿಪುರೇ, ತ್ರಿನೇತ್ರೇ,
ತ್ವತ್ ಸಂಸ್ಮೃತೌ ಯಮ ಭಟಾಭಿ ಭವಂ ವಿಹಾಯ
ದಿವ್ಯಂತಿ ನಂದನವನೇ ಸಹ ಲೋಕ ಪಾಲೈಃ ೫.
ಹಂತುಃ ಪುರಾಮಧಿಗಲಂ ಪರಿಪೀಯ ಮಾನಃ
ಕ್ರೂರಃ ಕಥಂ ನ ಭವಿತಾ ಗರಲಸ್ಯ ವೇಗಃ
ನಾಶ್ವಾಸನಾಯ ಯಧಿ ಮಾತರಿದಂ ತವಾರ್ಧಂ
ದೇಹಸ್ಯ ಶಶ್ವದಮೃತಾಪ್ಲುತ ಶೀತಲಸ್ಯ ೬.
ಸರ್ವಜ್ಞತಾಂ ಸದಸಿ ವಾಕ್ಪಟುತಾಂ ಪ್ರಸೂತೇ,
ದೇವಿ ತ್ವದಂಘ್ರಿ ಸರಸೀರುಹಯೋ ಪ್ರಣಾಮಃ
ಕಿಂ ಚ ಸ್ಫುರನ್ ಮಕುಟ ಮುಜ್ವಲಮಾತ ಪತ್ರಂ
ದ್ವೇ ಚಾಮರೇ ಚ ಮಹತೀಂ ವಸುಧಾಂ ದದಾತಿ ೭.
ಕಲ್ಪಧ್ರುಮೈರಭಿಮತ ಪ್ರತಿ ಪಾದನೇಷು
ಕಾರುಣ್ಯ ವಾರಿಧಿಭಿರಂಬ ಭವತ್ಕಟಾಕ್ಷೈಃ
ಆಲೋಕಯ ತ್ರಿಪುರ ಸುಂದರಿ, ಮಾಮನಾಥಂ,
ತ್ವಯ್ಯೇವ ಭಕ್ತಿ ಭರಿತಂ ತ್ವಯಿ ಬದ್ಧ ತೃಷ್ಣಂ ೮.
ಹಂತೇ ತರೇಷ್ವಪಿ ಮನಾಂಸಿ ನಿಧಾಯ ಚಾನ್ಯೇ
ಭಕ್ತಿಂ ವಹಂತಿ ಕಿಲ ಪಾಮರ ದೈವತೇಷು,
ತ್ವಾಮೇವ ದೇವಿ ಮನಸಾ ಸಮನುಸ್ಮರಾಮಿ
ತ್ವಾಮೇವ ನೌಮಿ ಶರಣಂ ಜನನಿ ತ್ವಮೇವ ೯.
ಲಕ್ಷ್ಯೇಷು ಸತ್ಸ್ವಪಿ ಕಟಾಕ್ಷ ನಿರೀಕ್ಷಣಾನಾಮ್
ಆಲೋಕಯಾ ತ್ರಿಪುರಸುನ್ದರೀ, ಮಾಂ ಕದಾಚಿತ್|
ನೂನಂ ಮಯಾ ತು ಸದೃಶಃ ಕರುಣೈಕ ಪಾತ್ರಮ್,
ಜಾತೋ ಜನಿಷ್ಯತಿ ಜನೋ ನ ಚ ಜಾಯತೇ ವಾ ೧೦.
ಹ್ರೀಂ ಹ್ರೀಮಿತಿ ಪ್ರತಿದಿನಂ ಜಪತಾಂ ತವಾಖ್ಯಾಂ,
ಕಿಂ ನಾಮ ದುರ್ಲಭ ಮಿಹ ತ್ರಿಪುರಾಧಿ ವಾಸೇ,
ಮಾಲಾ ಕಿರೀಟ ಮದ ವಾರಣ ಮಾನನೀಯಾ
ತಾನ್ಸೇವತೇ ವಸುಮತೀ ಸ್ವಯಮೇವ ಲಕ್ಷ್ಮೀಃ ೧೧.
ಸಂಪತ್ಕಾರಾಣಿ, ಸಕಲೇಂದ್ರಿಯ ನಂದನಾನಿ,
ಸಾಮ್ರಾಜ್ಯ ದಾನ ನಿರತಾನಿ ಸರೋರುಹಾಕ್ಷಿ,
ತ್ವದ್ ವಂದನಾನಿ ದುರಿತಾ ಹರಣೋದ್ಯತಾನಿ,
ಮಾಮೇವ ಮಾತರನಿಶಂ ಕಲಯಂತು ಮಾನ್ಯಂ ೧೨.
ಕಲ್ಪೋಪ ಸಂಹೃತಿಷು, ಕಲ್ಪಿತ ತಾಂಡವಸ್ಯ,
ದೇವಸ್ಯ ಖಂಡ ಪರಶೋಃ ಪರ ಭೈರವಸ್ಯ,
ಪಾಶಾಂಕುಶೈಕ್ಷವಶರಾಸನ ಪುಷ್ಪ ಬಾಣಾ
ಸಾ ಸಾಕ್ಷಿಣೀ ವಿಜಯತೇ ತವ ಮೂರ್ತಿರೇಕಾ ೧೩.
ಲಗ್ನಂ ಸದಾ ಭವತು ಮಾತರಿದಂ ತವಾರ್ಧಂ,
ತೇಜಃ ಪರಂ ಬಹುಲ ಕುಂಕುಮ ಪಂಕ ಶೋಣಂ,
ಭಾಸ್ವತ್ಕಿರೀಟಮಮೃತಾಂಶು ಕಲಾ ವತಂಸಂ,
ಮಧ್ಯೇ ತ್ರಿಕೋಣ ನಿಲಯಂ ಪರಮಾಮೃತಾರ್ದ್ರಂ ೧೪.
ಹ್ರೀಂಕಾರಮೇವ ತವ ನಾಮ ತದೇವ ರೂಪಂ,
ತ್ವನ್ನಾಮ ದುರ್ಲಭ ಮಿಹ ತ್ರಿಪುರೇ, ಗೃಣಂತಿ,
ತ್ವತ್ತೇಜಸಾ ಪರಿಣತಂ ವಿಯದಾದಿ ಭೂತಂ,
ಸೌಖ್ಯಂ ತನೋತಿ ಸರಸೀರುಹ ಸಂಭವಾದೇಃ ೧೫.
ಫಲಶ್ರುತಿ
ಹ್ರೀಂಕಾರ ತ್ರಯ ಸಂಪುಟೇನ, ಮಹತಾ ಮಂತ್ರೇಣ ಸಂದೀಪಿತಂ,
ಸ್ತೋತ್ರಂ ಯಃ ಪ್ರತಿವಾಸರಂ ತವ ಪುರೋ ಮಾತರ್ ಜಪೇನ್ ಮಂತ್ರ ವಿತ್ |
ತಸ್ಯ ಕ್ಷೋಣಿ ಭುಜೋ ಭವಂತಿ ವಶಗಾ ಲಕ್ಷ್ಮೀ ಶ್ಚಿರ ಸ್ಥಾಯಿನೀ,
ವಾಣೀನಿರ್ಮಲ ಸೂಕ್ತಿ ಭಾರಭರಿತಾ ಜಾಗರ್ತಿ ದೀರ್ಘಂ ವಯಃ ||
0 ಕಾಮೆಂಟ್‌ಗಳು