ನಿನ್ನ ಕರುಣೆ ದೊಡ್ಡದೊ ಸದ್ಗುರುನಾಥ - Ninna Karune Doddado Sadgurunatha

|| ವೆಂಕಟಾಚಲಯ್ಯ ಸ್ತುತಿ ||

ನಿನ್ನ ಕರುಣೆ ದೊಡ್ಡದೊ ಸದ್ಗುರುನಾಥ

ನಿನ್ನ ಕರುಣೆ ದೊಡ್ಡದೊ ||ಪ||

ಕಂಡು ಅರಿಯದ ಗುರುವ ನಂಬದೆ ಕರೆದರೆ

ಕಾಣದ ಮಗುವ ತಾಯಂತೆ ಬಂದ್ಯಲ್ಲೊ

ನಿನ್ನ ಕರುಣೆ ದೊಡ್ಡದೊ||೧||

ಒಮ್ಮೆ ಪೊರೆವುದು ಪುಣ್ಯ ಮತ್ತೆ ಪೊರೆದರೆ ದೈವ

ನಿತ್ಯ ಪೊರೆವ ನಿನ್ನ ಏನೆಂದು ಕರೆಯಲಿ

ನಿನ್ನ ಕರುಣೆ ದೊಡ್ಡದೊ||೨||

ಸಾವಿರ ವರುಷದ ಕತ್ತಲೆ ಕೋಣೆಗೆ

ನೀನೆ ಬಾಗಿಲ ತೆಗೆದು ರವಿಯಂತೆ ನಿಂದ್ಯಲ್ಲೊ

ನಿನ್ನ ಕರುಣೆ ದೊಡ್ಡದೊ||೩||

ಕೆಸರಿನ ಕೊಳೆಯಲ್ಲಿ ಕಮಲದ ಹೂವೇನೊ

ನನ್ನಂಥ ಪಾಮರಗೆ ನಿನ್ನಂಥ ಗುರುವೇನೊ

ನಿನ್ನ ಕರುಣೆ ದೊಡ್ಡದೊ||೪||