|| ಗುರು ಸ್ತುತಿ ||
ಗುರು ತವ ಚರಣಗಳಾ ಧ್ಯಾನಿಸುತಲೀ
ಪಾಡುವೆ ಮಹಿಮೆಗಳಾ ||ಪ||
ಅತ್ರಿ ಮುನಿಯ ಸತಿ ಅನುಸೂಯೆಗೆ
ಪುತ್ರರಾಗಿಯೇ ಮನವನು ತಣಿಸಿ
ದತ್ತ ಚಂದ್ರ ದೂರ್ವಾಸ ನಾಮದಲ್ಲಿ
ಪೃಥ್ವಿಯೋಳ್‌ ಮೆರೆದಿಹ ದತ್ತಾತ್ರೇಯರೇ//೧//
ಬಡ ಬ್ರಾಹ್ಮಣನಿಗೆ ನಿಧಿಯನು ಇತ್ತು
ಬರಡೆಮ್ಮೆಗೆ ಅತಿ ಹೈನವನಿತ್ತು
ಜಡ ಮತಿ ಅವನೊಳು ವೇದವ ಅನ್ನಿಸಿ
ಕಡುಮತಿ ವಿಪ್ರರ ಮದವನು ತರಿದಾ//೨//
ರಜಕಗೆ ರಾಜ್ಯದ ಭೋಗವನಿತ್ತು
ಭಜಕಗೆ ಅನುದಿನ ದರುಶನವಿತ್ತು
ಬಂಜೆಗೆ ಪುತ್ರನ ವರವನ್ನಿತ್ತು
ಸಾದ್ವಿಗೆ ಸತಿ ಸೌಭಾಗ್ಯವನಿತ್ತಾ ||೩||
ಭಿಕ್ಷೆಯ ಗೈಯ್ಯಲು ಬಂದ ಬ್ರಾಹ್ಮಣನೊಳು
ಅಕ್ಷಯದಡಿಗೆಯ ಮಾಡಿಸಿ ಕರುಣದಿ
ವೀಕ್ಷಿಸಿ ಅತ್ತಿಯ ಕಟ್ಟಿಗೆ ಚಿಗುರಿಸಿ
ತಕ್ಷಣ ಭಕ್ತನ ಕುಷ್ಟವ ಕಳೆದಾ ||೪||
ಮಂದಮತಿಗೆ ಸುಜ್ಞಾನವನಿತ್ತು
ನಂದಿಗೆ ಸೇವೆಯ ಭಾಗ್ಯವನಿತ್ತು
ವಂದಿಸಿ ಬೇಡುವ ಭಜಕ ವೃಂದವನು
ಚಂದದಿ ಪೊರೆವ ನೃಸಿಂಹ ಯತಿವರಾ ||೫||
ತರತರ ಕಷ್ಟದಿ ಬಳಲುವ ತರಳರ
ಪರಿಪರಿ ವಿಧದಲಿ ಪೊರೆಯುತಲಿರುವ
ನರರೂಪದೊಳು ಭಕುತರ ಸಲಹಿದ
ಹರಿಹರ ಬ್ರಹ್ಮ ಸ್ವರೂಪ ಶ್ರೀಧರಾ ||೬||
ವಿಭೂತಿ ಲೇಪನ ಪಾಪವಿನಾಶನ
ರುದ್ರಾಕ್ಷಿ ಧಾರಣ ಮೋಕ್ಷಕೆ ಕಾರಣ
ಗುರು ಸ್ಮರಣೆಯನು ಗೈಯ್ಯಲು ಅನುದಿನ
ಮರಣದ ಭಯವನು ಕಳೆವನು ಗುರುವು ||೭||
ಜಗದೋದ್ದಾರಕ ಸದ್ಗುರು ನಿಮ್ಮಯ
ಅಗಮ್ಯ ಮಹಿಮೆಯ ಪೊಗಳಲರಿಯೆನು
ಯೋಗಿವರ್ಯ ಶ್ರೀಪಾದ ವಲ್ಲಭಾ
ಬೇಗದಿ ದರುಶನ ಇತ್ತು ರಕ್ಷಿಸೋ ||೮||
ಭವಸಾಗರದಲಿ ಮುಳುಗೇಳುತಲಿ
ತವ ಮಹಿಮೆಯನು ಅರಿಯದಾದೆನು
ಭವ ಬಂಧನವನು ಬಿಡಿಸುತಲೆನ್ನನು
ಅವನಿಯೊಳುದ್ದರಿಸಿರಿ ಗುರುವರ್ಯರೇ ||೯||
ಭಕ್ತಿಯಿಂದಲಿ ಭಜಿಸಲು ಅರಿಯೇ
ಶಕ್ತಳಾಗಿ ಪಾದ ಪೂಜಿಸಲರಿಯೆ
ಉಕ್ತಿಯಿಂದ ನಾಮ ಸ್ಮರಿಸಲು ಅರಿಯೇ
ಮುಕ್ತಿ ಮಾರ್ಗವನ್ನು ತೋರಿಸಿ ಗುರುವೇ ||೧೦||
0 ಕಾಮೆಂಟ್‌ಗಳು