|| ಶ್ರೀ ವರಲಕ್ಷ್ಮಿ ಸ್ತುತಿ ||
ನಂಬಿದೆ ವರಲಕ್ಷ್ಮಿಯೇ ತವಚರಣಕೆ ।
ವಂದಿಪೆ ಶ್ರೀ ಲಕ್ಷ್ಮಿಯೇ ||ಪ||
ನಂಬಿ ನಿನ್ನಯ ಚರಣ ಪೂಜಿಸಿ
ಅಂಬುಜಾಕ್ಷಿಯೆ ಮುದದಿ ಸ್ಮರಿಸುವೆ
ಕಂಬನಿಯ ಕಳೆಯುತ್ತ ಅನುದಿನ
ಸಂಭ್ರಮವ ನೀಡೆನ್ನ ಬಾಳಲಿ ||ಅ.ಪ||
ಇಷ್ಟದಿಂದಲಿ ಪೂಜಿಸೆ |
ಸರ್ವರ ಮನದ| ಭೀಷ್ಟವ ಸಲ್ಲಿಸುವೆ|
ಕಷ್ಟ ನಷ್ಟವ ದೂರ ಮಾಡುತ
ಅಷ್ಟ ಸೌಭಾಗ್ಯ ವನು ನೀಡುವ
ವಿಷ್ಣುಪ್ರಿಯೆ ಸುಮ ಅರ್ಪಿಸುವೆನು
ಕೃಷ್ಣವೇಣಿಯೆ ನಿನ್ನ ಚರಣವ ||೧||
ಸೆರಗೊಡ್ಡಿ ಬೇಡುವೆನು|
ಸಿರಿದೇವಿಯೆ ಶಿರದ ಪ್ರಸಾದವನು
ಭಕ್ತರೆಲ್ಲರೂ ಸೇರಿ ಮುದದೊಳು
ಭಕ್ತಿಯಿಂದಲಿ ನಿನ್ನ ಬೇಡಲು
ಭಾಗ್ಯವಂತರ ಮಾಡಿ ತರಳರ
ಬಾಧೆಯನು ಪರಿಹರಿಸು ಜನನಿ ॥೨||
ಮಂದಾರ ಕುಸುಮವನು |
ಕಂದಳಿಗಿಂದು ಚಂದದಿ ಕರುಣಿಸಮ್ಮ
ಎಂದೂ ಕುಂದದ ಕುಂಕುಮರಿಶಿನ
ಕಂಕಣವು ಕರಿಮಣೆಯ ಭಾಗ್ಯವ
ನತ್ತು ನಗಗಳ ನೀಡುತಾ
ಮುತ್ತೈದೆ ಭಾಗ್ಯವ ನೀಡಿ ಹರಸು ||೩||
ದೇವಿ ಶ್ರೀ ಮಹಾಲಕ್ಷಿಯೆ|ನಿನ್ನಡಿಗೆರಗಿ|
ಬೇಡುವೆ ಸುರಗಿ ಹೂವ
ನಿನ್ನ ತರಳರ ಕಾಯ್ದು ಅನುದಿನ
ಬನ್ನಗಳ ಪರಿಹರಿಸಿ ಪೊರೆಯುತ
ಚೆನ್ನಕೇಶವನರಸಿ ಪದ್ಮಿನಿ
ಜ್ಞಾನ ಕುಸುಮವ ನೀಡಿ ಹರಸು ||೪||
0 ಕಾಮೆಂಟ್‌ಗಳು