|| ಲಕ್ಷ್ಮಿ ಸ್ತುತಿ ||
ಶೃಂಗಾರವಾಗಿಹಳು ಶ್ರೀ ಮಹಾಲಕ್ಷ್ಮಿ||ಪ||
ಬಂಗಾರು ಮಂಟಪದಿ ಬಂದು ಕುಳಿತಿಹಳು||ಅ.ಪ||
ತಾವರೆಯ ಕಮಲದಲ್ಲಿ ಜನಿಸಿಹಳು ಶ್ರೀಲಕ್ಷ್ಮಿ
ಭಾನು ಕೋಟಿ ಪ್ರಭೆಯಂತೆ ಬೆಳಗುತಿಹಳು।
ಬಿಳಿಯ ಸೀರೆಯನ್ನುಟ್ಟು ಹೊಳೆವ ಕುಪ್ಪಸ ತೊಟ್ಟು |
ನಿಡು ಮುಡಿಯ ಮೇಲೆ ತಾ ಬರುತಿಹಳು||೧॥
ಎಡಬಲದಿ ಗಜಲಕ್ಷ್ಮಿ ನಡುವೆ ತಾವರೆ ಲಕ್ಷ್ಮಿ |
ಥಳಥಳನೇ ಹೊಳೆಯುವಳು ಶ್ರೀ ಮಹಾಲಕ್ಷ್ಮಿ
ಬಡವರಾದವನು ಬಿಡದೆ ಕಾಯ್ವಳು ಲಕ್ಷ್ಮಿ
ಸಡಗರದಿ ಬರುತಿಹಳು ಶ್ರೀ ಮಹಾಲಕ್ಷ್ಮಿ ॥೨॥
ನರಸಿಂಹ ವಿಠಲನ ಹರಸಿ ಸ್ವೀಕರಿಸಮ್ಮ
ಸರಸವಾಡುತಲೊಮ್ಮೆ ಸಲಹು ಮಾತೆ |
ಮಾಡಿದ ಅಪರಾಧವನ್ನು ಮನದಿ ಎಣಿಸದೆ ನೀನು|
ಕಾಪಾಡಬೇಕೆಂದು ಪಾದಕ್ಕೆರಗುವೆನು॥|೩॥
0 ಕಾಮೆಂಟ್‌ಗಳು