|| ನರಸಿಂಹ ಸ್ತುತಿ ||
ಕಂಬದಿಂದ ಹುಟ್ಟಿ ಬಂದ ನಾರಸಿಂಹ ರೂಪಿಯೆ|
ನಂಬಿ ಬಂದ ಕಂದನನ್ನು ಸಲಹಿದಂತ ಸ್ವಾಮಿಯೆ||
ಗಟ್ಟಿ ಮೊಸರ ಕದ್ದು ತಿಂದ ವೇಣುಗಾನ ಲೋಲನೆ |
ಬೆಟ್ಟವನ್ನು ಬೆರಳಲೆತ್ತಿದಂತ ಪುಟ್ಟ ಪೋರನೆ||
ಜನನಿಗಂದು ಬಾಯ ತೆರೆದು ತ್ರಿಜಗವನ್ನು ತೋರಿದೆ|
ಜನಕ ಪುತ್ರಿ ಸೀತೆಯನ್ನು ಧನುವ ಮುರಿದು ವರಿಸಿದೆ||
ಬಿಲ್ಲ ಹಬ್ಬಕ್ಕೆಂದು ಬಂದು ಖುಲ್ಲರನ್ನು ಮಡುಹಿದೆ|
ಮಲ್ಲ ಕಂಸನನ್ನು ಕೊಂದು ಮಾತೆ ಪಿತರ ಸಲಹಿದೆ||
ರಾಧೆ ಮನವ ಕದಿಯಲೆಂದು ಮುದದಿ ಕೊಳಲನೂದಿದೆ|
ಮೋದದಿಂದ ಪಾರ್ಥಗಂದು ಗೀತೆಯನ್ನು ಸಾರಿದೆ||
ಲೀಲೆಯಿಂದ ದುಷ್ಟರನ್ನು ವಧಿಸಿದಂತ ದೇವನೆ|
ಹಾಲ ಮನಸಿನಿಂದ ಸಲಹೊ ನಮಿಪೆ ಬಾರೊ ಬೇಗನೆ||
0 ಕಾಮೆಂಟ್ಗಳು