|| ದೇವಿ ಸ್ತುತಿ ||
ಕಾಳಿ ರುದ್ರನ ರಮಣಿ ರಾಜರಾಜೇಶ್ವರಿ
ಬಾಳ ಬೆಳಗಿಸು ತಾಯಿ ಕಾಳರಾತ್ರಿ
ಕೇಳು ಕೃಷ್ಣ ವರ್ಣೆ ಅಸುರ ಮದ ಮರ್ದಿನಿಯೆ
ಒಳಗಣ್ಣ ತೆರೆಸಮ್ಮ ಫಾಲ ನೇತ್ರೆ ||ಪ||
ರಕ್ತ ಬೀಜಾಸುರನ ಅಟ್ಟಹಾಸವ ಮೆಟ್ಟಿ
ಮುಕ್ತಿ ನೀಡಿದೆ ಮಾತೆ ಮಾಹೇಶ್ವರಿ
ಭಕ್ತ ಜನ ಪೋಷಿತೆ ಶಕ್ತಿ ದಾಯಿನಿ ಶಮಿತೆ
ಸೂಕ್ತ ಮಾರ್ಗದಿ ನೆಡೆಸೆ ಸರ್ವೇಶ್ವರಿ ||೧||
ಡಮರುಗವು ಡಿಂಡಿಮಿಸೆ ತಾಂಡವವ ಮಾಡುತಲಿ
ಸಮರಗಳ ಜಯಿಸಿದೆ ಅಪರಾಜಿತೆ
ವಿಮಲಾಕ್ಷಿ ಮನವಿರಿಸು ಹರಿನೀಶ ಕೃಷ್ಣನಲಿ
ಪವಿತ್ರ ಶಕ್ತಳೆ ಚಂಡಿ ವಿಪುಲ ಚರಿತೆ ||೨||
0 ಕಾಮೆಂಟ್‌ಗಳು