|| ಶ್ರೀ ಕೃಷ್ಣಾಷ್ಟಕಮ್ ||
ವಸುದೇವಸುತಂ ದೇವಂ
ಕಂಸಚಾಣೂರ ಮರ್ದನಂ |
ದೇವಕೀ ಪರಮಾನಂದಂ
ಕೃಷ್ಣಂ ವಂದೇ ಜಗದ್ಗುರುಂ ||೧||
ಅತಸೀ ಪುಷ್ಪಸಂಕಾಶಂ
ಹಾರ ನೂಪುರ ಶೋಭಿತಂ |
ರತ್ನ ಕಂಕಣ ಕೇಯೂರಂ
ಕೃಷ್ಣಂ ವಂದೇ ಜಗದ್ಗುರುಂ ||೨||
ಕುಟಿಲಾಲಕ ಸಂಯುಕ್ತಂ
ಪೂರ್ಣಚಂದ್ರ ನಿಭಾನನಂ |
ವಿಲಸತ್ ಕುಂಡಲಧರಂ
ಕೃಷ್ಣಂ ವಂದೇ ಜಗದ್ಗುರುಂ ||೩||
ಮಂದಾರ ಗಂಧ ಸಂಯುಕ್ತಂ
ಚಾರುಹಾಸಂ ಚತುರ್ಭುಜಂ |
ಬರ್ಹಿಪಿಂಚ್ಛಾವ ಚೂಡಾಂಗಂ
ಕೃಷ್ಣಂ ವಂದೇ ಜಗದ್ಗುರುಂ ||೪||
ಉತ್ಫುಲ್ಲ ಪದ್ಮ ಪತ್ರಾಕ್ಷಂ
ನೀಲಜೀಮೂತ ಸನ್ನಿಭಮ್
ಯಾದವಾನಾಂ ಶಿರೋರತ್ನಂ
ಕೃಷ್ಣಂ ವಂದೇ ಜಗದ್ಗುರುಮ್ ॥ ೫॥
ರುಕ್ಮಿಣೀ ಕೇಳಿ ಸಂಯುಕ್ತಂ
ಪೀತಾಂಬರ ಸುಶೋಭಿತಮ್
ಅವಾಪ್ತ ತುಲಸೀ ಗಂಧಂ
ಕೃಷ್ಣಂ ವಂದೇ ಜಗದ್ಗುರುಮ್ ॥ ೬॥
ಗೋಪಿಕಾನಾಂ ಕುಚದ್ವಂದ್ವ
ಕುಂಕುಮಾಂಕಿತ ವಕ್ಷಸಮ್
ಶ್ರೀ ನಿಕೇತಂ ಮಹೇಷ್ವಾಸಂ
ಕೃಷ್ಣಂ ವಂದೇ ಜಗದ್ಗುರುಮ್ ॥ ೭॥
ಶ್ರೀವತ್ಸಾಂಕಂ ಮಹೋರಸ್ಕಂ
ವನಮಾಲಾ ವಿರಾಜಿತಮ್
ಶಂಖಚಕ್ರಧರಂ ದೇವಂ
ಕೃಷ್ಣಂ ವಂದೇ ಜಗದ್ಗುರುಮ್ ॥ ೮॥
ಕೃಷ್ಣಾಷ್ಟಕಮಿದಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ ।
ಕೋಟಿಜನ್ಮಕೃತಂ ಪಾಪಂ ಸ್ಮರಣೇನ ವಿನಷ್ಯತಿ ॥
॥ ಇತಿ ಕೃಷ್ಣಾಷ್ಟಕಮ್ ॥
0 ಕಾಮೆಂಟ್‌ಗಳು