ಬಂದು ಕೂತಿಹಳು ನೋಡಿ ಗಾಯತ್ರಿ -- Bandu koothihalu nodi gayathri devi bhajan lyrics in kannada

belaguru bhajan lyrics, kannada bhajan lyrics, nagu nagutha baramma banashankari lyrics

|| ದೇವಿ ಸ್ತುತಿ ||

ರಾಗ :- ಮೋಹನತಾಳ :- ಛಾಪು

|| ಬಂದು ಕೂತಿಹಳು ನೋಡಿ | ಗಾಯತ್ರಿ | ನೀವಿಂದು ಕಣ್ತೆರೆದು ನೋಡಿ ||

ಬಂದು ನಿಮಿಷವು ಧ್ಯಾನಿಸಲ್ಭವ | ಬಂಧನವ ತಾ | ಕಳಚಿ ಬ್ರಹ್ಮಾ |

        ನಂದ ಶರಧಿಯೊಳದ್ದಿ | ಸಲುಹುವೆನೆಂದು | ಹೃದಯಾಂಗಣದಿ | ಮುದದಿ || 

                                                                                            ||ಪಲ್ಲವಿ ||

ಮೂರು ವರ್ಣದ ಕಾಯವೋ | ಗಾಯಿತ್ರಿಗೆ | ಆರು ವರ್ಣದ ಉಡಿಗೆಯೋ ||

ಏರಿ ಶಿರಗಳ ಪಂಚಬ್ರಹರ | ಮೇರುವಿಗೆ ಹನ್ನೆರಡು ಗೊಣಸುಗಳ್ |

ಸೇರಿಸಿ ಉಯ್ಯಾಲೆಯಾಡುತ | ಮೂರುಲೋಚನೆ | ಮುಕ್ತಿಕಾರಿಯು || 

                                  || ಬಂದು ಕೂತಿಹಳು||

|| ಮಿಸುನಿ ವಜ್ರಗಳಾರುಚಿ | ಚತುರಾಶ್ರಮೇ | ಬೆಸೆವಾರು ಕಲಶಂಗಳು ||

ಅಸಮ ಸಿಂಹಾಸನದ ವಾಸಿಯು | ವಸೆದು ಹತ್ತಾವ ತಾರ ಎತ್ತಿದ |

ಮಿಸುಪ ಓಡ್ಯಾಣಿರಿಸಿ ನಡುವಿಗೆ | ನಸುನಗುತ ಸಾವಿತ್ರಿ ದೇವಿಯು ||

                                      || ಬಂದು ಕೂತಿಹಳು ||                                              

ವರಕುಚಯುಗಳ ಮಧ್ಯೆ | ದ್ವಾದಶ ವಜ್ರ | ಸ್ಪುರಿಸಿ ತೋರುವ ಪದಕ ||

ಎರಡು ಮೂರೈದಾರು ಸೇರಿದ | ಸರವು ಏಕಾವಳಿಯ ಕಂಠದಿ |

ಧರಿಸಿ ವೈಖರಿ ರೂಪಿನಿಂದಲಿ | ಹೊಳೆವ ಬ್ರಹ್ಮಾತ್ಮೈಕ್ಯ ಸರಸ್ವತಿ ||

                                 || ಬಂದು ಕೂತಿಹಳು ||                                                 

|| ನೀಲ ದರ್ಪಣ ಪಿಡಿದು | ಕೆಂಪಿನ ಬೊಟ್ಟು | ಫೌಲಮಧ್ಯಮ ನೋಡಿಟ್ಟು ||

ಓಲೆ ಜುಮುಕಿಯು | ಶೃತಿಗೆ ಶಿರಸಿನ | ಮೇಲೆ ನಾಸಿರ ದಳದಪದ್ಮವು |

ಲೀಲೆಯಿಂದುನ್ಮನೆಯೊಳಾಡುತ | ಏಳುಕೋಟಿ ಸುಮಂತ್ರ ದೇವತೆ ||

                                        || ಬಂದು ಕೂತಿಹಳು ||                                           

|| ಚಿತ್ರ ನಕ್ಷತ್ರದಂತೆ | ವಿಭ್ರಾಜಿಪ | ಮುತ್ತಿನ ಮೂಗುತಿಯು ||

ಸತ್ ಚಿತ್ತಾನಂದ ರೂಪಿಣಿ | ಮಿಥ್ಯಮಾಯಾ ಕಲುಷಹಾರಿಣಿ |

ಕತೃಗುರು ಮಹಲಿಂಗ ರಂಗನ | ಶಕ್ತಿ ಸಾಕ್ಷಾತ್ ತ್ರಿಪುರ ಸುಂದರಿ ||

                                 || ಬಂದು ಕೂತಿಹಳು ||