|| ಶಿವ ಸ್ತುತಿ ||
ರಾಗ :- ಕಾಮವರ್ಧಿನಿ
ತಾಳ :- ಆದಿ
|| ಪಾಪಿಯ ಜೀವನ | ಪಾವನಗೊಳಿಸುವ | ಪರಶಿವ ಲಿಂಗ ನಮೋ ||
ಹರ ಹರ ಶಂಭೋ | ಮಹದೇವಾ || ಶಿವ ಶಿವ ಶಂಭೋ ಮಹದೇವಾ ||
|| ತನುಮನ ಧರಿಸಿದೆ | ಕರ್ಮದ ಕೂಪಾ | ಜನುಮ ಜನುಮ ಕೂಗಳಿಸಿದೆ ಪಾಪ ||
ನೆರೆ ತಾನಾದುದು | ವಿಷದ ದೀಪ | ಅನುಭವಿಸಿದೆ ನಾನತಿಶಯ ಪಾಪ ||
ಕೊನೆಗಾಣಿಸಲು ಈ ಕರ್ಮದ ಲೇಪ ಪೊರೆಚಿನ್ಮಯರೂಪ |
ಹರ ಹರ ಶಂಭೋ ಮಹಾದೇವಾ ||
|| ನೀರಿನ ಮೇಲಿನ ಗುಳ್ಳೆಯ ತರದೀ | ಮೂರುದಿನದ ಈ ಬಾಳಿದು ಜಗದಿ ||
ಹೇಳದೆ ಕೇಳದೆ ಬರುವುದು ಮರಣ | ಕಾಲನ ಪಾಶದ ಕಂಠಾಭರಣ ||
ಬೆಳೆದ ಕೂಡಲೆ ನಿನ್ನೊಳು ಭಕುತಿ | ಗಳಿಸುವ ನರ ತಾ ಪರಮ ವಿರಕ್ತಿ ||
ಕರುಣಿಸು ಭಕ್ತಿ | ನೀಡು ವಿರಕ್ತಿ | ಕೊಡು ಜೀವನ್ಮುಕ್ತಿ ||
ಹರ ಹರ ಶಂಭೋ ಮಹಾದೇವ | ಶಿವ ಶಿವ ಶಂಭೋ ಮಹಾದೇವಾ ||
0 ಕಾಮೆಂಟ್‌ಗಳು