|| ಹನುಮ ಸ್ತುತಿ ||
 |
| Kannada bhajan lyrics, hanuman bhajan lyrics |
ನಮ್ಮ ತಂದೆ ಆಂಜನೇಯ ಬಂದ ನೋಡೈ
ಪ್ರೇಮ ಮಯಿ ವೀರ ಹನುಮ ಬಂದ ನೋಡೈ
ಅಕೋ ಬಂದ ನೋಡೈ ಇಕೋಬಂದ ನೋಡೈ ||ಪಲ್ಲವಿ ||
ವಾಯುಪುತ್ರನೆಂಬ ಗುರುವು ಬಂದ ನೋಡೈ
ವಾಮದೇವ ಕಂದನೀಗ ಬಂದ ನೋಡೈ
ಆಂಜನೇಯನಂಘ್ರಿ ಧ್ಯಾನದಿಂದ ನೋಡೈ
ನಾಮವನ್ನು ಭಕ್ತಿಯಿಂದ ನುಡಿದು ನೋಡೈ ||೧ ||
ಸೂರ್ಯನಿಂದ ವಿದ್ಯೆ ಕಲಿತು ಬಂದ ನೋಡೈ
ವ್ಯಾಕರಣದಲಿ ನಿಪುಣನೀತ ಬಂದ ನೋಡೈ
ಯೋಗಿ ಶ್ರೀ ರಾಘವನ ವಂಶ ನೋಡೈ
ಶ್ರೀಶ ಹನುಮೇಶನ ಚಂದ ನೋಡೈ || ೨ ||
ರಾಮಚಂದ್ರ ದೂತನಿಂದು ಬಂದ ನೋಡೈ
ಸುರಸೆಯನ್ನು ಗೆದ್ದವನು ಬಂದ ನೋಡೈ
ಸೀತೆಯನ್ನು ಕಂಡವನು ಬಂದ ನೋಡೈ
ಪ್ರಾಣನಾಥ ಈಶಪುತ್ರ ಬಂದ ನೋಡೈ || ೩ ||
ವೀರ ಹನುಮ ರಾಯನು ಬಂದ ನೋಡೈ
ಪಾದ ಸೇವೆಯನ್ನು ಬಿಡದೆ ಮಾಡಿ ನೋಡೈ
ಏಕಚಿತ್ತದಿಂದ ಧ್ಯಾನವನ್ನು ಮಾಡೈ
ಸುಂದರೇಶ ಮಾರುತಿಯ ಅಂದ ನೋಡೈ || ೪ ||
ಭಕ್ತರನ್ನು ಪೊರೆಯುವವನು ಬಂದ ನೋಡೈ
ಹೊಳೆಯುತ್ತಿರುವ ಕಂಗಳನ್ನು ನಿಂದು ನೋಡೈ
ತತ್ವಯುತ ಹನುಮನ ಹಾಡ ಹಾಡೈ
ದಿವ್ಯ ಪಾದದಿಂದ ನಡೆದು ಬಂದ ನೋಡೈ || ೫ ||
ಭಕ್ತಿ ಭಾವವನ್ನು ತಳೆದು ನಿಂದು ನೋಡೈ
ಹೃದಯ ಶುದ್ಧಿ ಮಾಡಿಕೊಂಡು ಬಂದು ನೋಡೈ
ಭಕ್ತಿಯಿಂದ ವರಗಳನ್ನು ಬೇಡಿ ನೋಡೈ
ಓಡಿ ಓಡಿ ಬೇಗ ಬೇಗ ಬಂದು ನೋಡೈ || ೬ ||
0 ಕಾಮೆಂಟ್‌ಗಳು