|| ಲಕ್ಷ್ಮಿ ದೇವಿಯ ಹಾಡು ||
 |
| kannadabhajanlyrics.com |
ಬಾರೇ ವೆಂಕಟರಮಣಿ ಶ್ರೀ ಶ್ರೀದೇವಿ
ಬಾರೇ ವೇಂಕಟರಮಣೀ ॥ಪ॥
ಬಾರೇ ವೆಂಕಟರಮಣಿ ಪಾರಾಯಣ ಕೇಳು ।
ಚಾರುವದನೆ ಉಪಹಾರಾ ಕಾಲಕೆ ನಿತ್ಯ ಬಾರೆ
ವೆಂಕಟರಮಣೀ ॥ಅಪ॥
ಸ್ವಪ್ನದ ದೊಳಗೆ ಬರುವಿ ಶ್ರೀ ಶ್ರೀದೇವಿ
ಕ್ಷಿಪ್ರ ತನದಿ ಪೋಗುವಿ |
ಸರ್ಪ ಶಯನ ನಮ್ಮಪ್ಪ ಗೋಕುಲಬಾಲ
ಅಪ್ಪಿಕೊಳ್ಳುವ ಸುಖ ಒಪ್ಪಿಸೇ ಬೇಗನೆ || ೧ ||
ಏನು ಪುಣ್ಯವೆನಂದು ಪಾರಾಯಣ
ನೀನು ಕೇಳುವೆ ಬಂದು
ಹೀನ ಮಾನವರಿಗೆ ನಾನೆ ಬರುವೆನೆಂಬೊ
ಜ್ಞಾನವಿಲ್ಲದೆ ಉಚ್ಚ ಸ್ಥಾನದೊಳಗೆ ಕೊಡೆ || ೨ ||
ಎಲ್ಲ ದೇವತೆಗಳನು ತಡೆದಿಹೆ
ಪುಲ್ಲವಾರಿಜನಯನೆ ।
ಗೊಲ್ಲ ಬಾಲನಪದ ಪಲ್ಲವ ನೋಡದೆ
ನಿಲ್ಲವಲ್ಲದು ಮನಸೊಲ್ಲು ಲಾಲಿಸಿ ಬೇಗ ॥೩॥
ಮಂಗಳಾಂಗಿಯೆ ನಿನ್ನ ಕಾಣದೆ
ಬಲುಭಂಗ ಪಡುವೆ ನಮ್ಮ |
ರಂಗ ಜನಕ ಶ್ರೀ ರಂಗನಂಕದಿ ಕುಳಿತು
ಭೃಂಗ ಕುಂತಳೆ ಹೃದಯಾಂಗನದೊಳಗಾಡೆ ॥೪॥
ಇಂದಿರೇಶನ ರಾಣಿ ಎನ್ನಯ
ಮನಮಂದಿರದೊಳು ಬಾ ನೀ
ನಂದ ಗೋಕುಲ ಬಾಲ ನಿಂದು
ಕರದೊಳೆತ್ತಿ ತಂದು ತೋರಿಸೆ
ಆರವಿಂದ ನಯನೆಲಕ್ಷ್ಮಿ || ೫ ||
0 ಕಾಮೆಂಟ್‌ಗಳು