ಅಂಬಾ ನೀ ಜಾಣೆ ನಂಬಿದೆವು ಕಾಣೆ - Amba Nee Jaane Nambidevu Kane

|| ದೇವಿ ಸ್ತುತಿ ||

ರಚನೆ : ಶ್ರೀ ಶ್ರೀ ಶ್ರೀ ಬಿಂದು ಮಾಧವ ಶರ್ಮ ಸ್ವಾಮೀಜಿಗಳು 

ರಾಗ :: ಕಲ್ಯಾಣಿ

ತಾಳ : ಆದಿ 

ಅಂಬಾ ನೀ ಜಾಣೆ ನಂಬಿದೆವು ಕಾಣೆ

ಇಂಬಿಲ್ಲಾದೀ ಲೋಕವೆಲ್ಲಾ ತುಂಬಿಕೊಂಡೆ ಕಾಣೆ||ಪ||

ಅಂಬಾ ನೀನೇ ಜಗದಂಬಾ ನೀನೇ ||ಅ. ಪ.||

ಮಾಯೆಯೂ ನೀನೆ | ಮಹಾಮಾಯೆ ನೀನೇ

ಮಹಿಷಾಸುರ ನೆಂಬೋ|ದೈತ್ಯನ|

ಕೊಂದುಬಿಟ್ಟೆ ಕಾಣೆ||೧||

 ಕಾಳಿಯು ನೀನೆ | ಮಹಾ ಕಾಳಿ ನೀನೆ ||

 ಕಾಕಾಸುರ ನೆಂಬೋ|

ದೈತ್ಯನ ಕೊಂದುಬಿಟ್ಟೆ ಕಾಣೆ||೨

ಶಕ್ತಿಯು ನೀನೇ | ಆದಿಶಕ್ತಿಯು ನೀನೆ

 ರಕ್ತಬೀಜ ನೆಂಬೊ|

ದೈತ್ಯನ ಕೊಂದುಬಿಟ್ಟೆ ಕಾಣೆ||೩

 ಚಂಡಿಯು ನೀನೇ | ಚಾಮುಂಡಿಯು ನೀನೆ ||

ಚಂಡ-ಮುಂಡರೆಂಬೋ|

ದೈತ್ಯರ ಕೊಂಡುಬಿಟ್ಟೆ ಕಾಣೆ||೪.

 ಹೆಣ್ಣು ಮಣ್ಣು ಹೊನ್ನು ಮೂರು|ನಿನ್ನ ಮಾಯ ಕಾಣೆ ||

 ನಿನ್ನ ಮಾಯ ಕಾಣೆ|

ನಾ ತಿಳಿಯಲಾರೆ ಜಾಣೆ || ೫||