ಶ್ರೀ ಗುರುಪಾದುಕಾ ಸ್ತೋತ್ರಂ
ಶ್ರೀಸಮನ್ವಿತಮವ್ಯಯಂ ಪರಮಪ್ರಕಾಶಮಗೋಚರಂ ।
ಭೇದವರ್ಜಿತಮಪ್ರಮೇಯಮನಂತ ಮಾದ್ಯಮಕಲ್ಮಷಂ ॥
ನಿರ್ಮಲಂ ನಿಗಮಾಂತಮವ್ಯಯಮಪ್ರತರ್ಕ್ಯಮಬೋಧ್ಯಕಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥ ೧
ನಾದ ಬಿಂದು ಕಳಾತ್ಮಕಂ ದಶನಾದಭೇದ ವಿಭೇದಕಂ ।
ಮಂತ್ರರಾಜವಿರಾಜಿತಂ ನಿಜಮಂಡಲಾಂತರ ಭಾಸಿತಂ ॥
ಪಂಚವರ್ಣಮಖಂಡಮದ್ಭುತಮಾದಿಕಾರಣಮಚ್ಯುತಂ ।
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥ ೨
ಹಂಸನಾದಮಖಂಡನಾದಮನೇಕ ವರ್ಣಮರೂಪಕಂ ।
ಶಬ್ದ ಜಾಲಮಯಂ ಚರಾಚರ ಜಂತುದೇಹ ನಿವಾಸಿನಂ ॥
ಚಕ್ರರಾಜಮನಾಹತೋದ್ಭವಮೇಕವರ್ಣಮತಃಪರಂ |
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ೩
ಬುದ್ಧಿರೂಪಮಬುದ್ಧಕಂ ತ್ರಿತಯೈಕಕೋಟಿ ವಿನಾಶಕಂ ।
ನಿಶ್ಚಲಂ ನಿರತ ಪ್ರಕಾಶಮನೇಕವರ್ಣಮರೂಪಕಂ ॥
ಪಶ್ಚಿಮಾಂತರ ಖೇಲನಂ ನಿಜಸಿದ್ಧಿ ಸಂಗಮಗೋಚರಂ ।
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥ ೪
ಪಂಚಪಂಚಹೃಷೀಕ ದೇಹ ಮನೋಚತುಷ್ಣಯ ಸಂಸ್ಕರಂ ।
ಪಂಚಭೂತ ಸಕಾಮಷಟ್ಕ ಸಮೀರ ಶಬ್ದಮಭೇದಕಂ ॥
ಪಂಚಕೋಶ ಗುಣತ್ರಯಾದಿ ಸಮಸ್ತ ಧರ್ಮ ವಿಲಕ್ಷಣಂ ।
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥ ೫
ಪಂಚಮುದ್ರ ಸುಲಕ್ಷ್ಯ ದರ್ಶನ ಭಾವಮಾತ್ರ ನಿರೂಪಣಂ |
ವಿದ್ಯುದಾದಿ ಧಗದ್ಧಗದ್ಧಿತ ಮೋದವರ್ಧನ ವರ್ಧನಂ ॥ ಸ್ಸ
ಚಿಹ್ನ ಮಾತ್ರ ವಿವರ್ತನಂ ಸದಸದ್ವಿಲಾಸ ಸಮಾಯಕಂ ।
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥ ೬
ಪಂಚವರ್ಣ ಶುಕಂ ಸಮಸ್ತಮಚಿದ್ವಿಚಿತ್ರ ವಿಚಾರಣಂ ।
ಚಂದ್ರಸೂರ್ಯ ಚಿದಗ್ನಿ ಮಂಡಲ ಮಂಡಿತಂ ಘನ ಚಿನ್ಮಯಂ
॥ ಚಿತ್ಕಳಾ ಪರಿಪೂರ್ಣಮಂತರ ಚಿತ್ಸಮಾಧಿ ನಿರೂಪಣಂ ।
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥ ೭
ಸ್ಥೂಲಸೂಕ್ಷ್ಮ ಸಕಾರಣಾಂತರ ಖೇಲನಂ ಪರಿಪಾಲನಂ ।
ವಿಶ್ವತೈಜಸ ಪ್ರಾಜ್ಞ ಚೈತಸಮಂತರಾತ್ಮ ನಿಜಸ್ಥಿತಂ ॥
ಸರ್ವಕಾರಣಮೀಶ್ವರಂನಿಟಿಲಾಂತರಾಳ ವಿಹಾರಿಣಂ ।
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥೮
ತಪ್ತಕಾಂಚನದೀಪ್ಯಮಾನ ಮಹಾಣುರೂಪಮರೂಪಕಂ ।
ಚಂದ್ರಿಕಾಂತರ ತಾರಕೇವ ಸಮುಜ್ಜಲಂ ಪರಮಂ ಪದಂ ॥
ನೀಲನೀರದ ಮಧ್ಯಮಸ್ಥಿತ ವಿದ್ಯುದಾವಳಿ ಭಾಸಿತಂ ।
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ ॥೯
ಇತಿ ಶ್ರೀ ಮಚ್ಛಂಕರಾಚಾರ್ಯ ವಿರಚಿತಂ
ಗುರುಪಾದುಕಾ ಸ್ತೋತ್ರಂ ಸಂಪೂರ್ಣಂ
0 ಕಾಮೆಂಟ್‌ಗಳು