ಸಕಲ ದುರಿತಗಳ ಪರಿಹಾರ ಮಾಡಿದ್ಯೋ ವೆಂಕಟೇಶ
 |
| kannadabhajanlyrics.com |
ಸಕಲ ದುರಿತಗಳ ಹರಿಹಾರ
ಮಾಡಿದ್ಯೋ ವೆಂಕಟೇಶ
ಭಕುತಿಗೊಲಿದು ಬಂದ
ಭಕ್ತರ ಕಾಯ್ದ್ಯೋ ವೆಂಕಟೇಶ||ಅ.ಪ ||
ಮತ್ಸ್ಯಾವತಾರದಿ ನಾಲ್ಕು ವೇದವ
ತಂದ್ಯೋ ವೆಂಕಟೇಶ
ಪೃಥ್ವೀ ಧರನ ಪೊತ್ತು
ಬೃತ್ಯರ ಕಾಯ್ದ್ಯೋ ವೆಂಕಟೇಶ ||೧||
ಧರೆಯ ನೋಯ್ದನ ಕೋರೆ ದಾಡಿಯಿಂದ
ಕೊಂದ್ಯೋ ವೆಂಕಟೇಶ
ತರಳಗೊಲಿದು ನೀ ಕಂಬದಿಂದಲಿ
ಬಂದ್ಯೋ ವೆಂಕಟೇಶ || ೨ ||
ಭೂಮಿದಾನ ನೀಡಿದವನ
ಬಾಗಿಲ ಕಾಯ್ದ್ಯೋ ವೆಂಕಟೇಶ
ಭೂಮಿಪಾಲರನಳೆದು ಬಾರ್ಗವ
ನೆನಿಸಿದ್ಯೋ ವೆಂಕಟೇಶ || ೩||
ದಶ ಶಿರನನು ಕುಟ್ಟಿ ಶಶಿಮುಖಿಯಳ
ನೀ ತಂದ್ಯೋ ವೆಂಕಟೇಶ
ಅಸುರೆಯ ಸಂಹರಿಸಿ ಕಂಸನ
ಮಡುಹಿದ್ಯೋ ವೆಂಕಟೇಶ || ೪ ||
ಅಧಮ ಜನರಿಗೆ ಭೋಧಿಸಿ
ಬೆತ್ತಲೆ ನಿಂತ್ಯೋ ವೆಂಕಟೇಶ
ಕುದುರೆಯನೇರಿ ಕಲ್ಕಿ ರೂಪವ
ತಾಳ್ದ್ಯೋ ವೆಂಕಟೇಶ || ೫ ||
ಹರಿದಾಸರ ಮೇಲೆ ಒಲಿದು
ಬೇಗದಿ ಬಂದ್ಯೋ ವೆಂಕಟೇಶ
ವರದ ಪುರಂದರ ವಿಠಲ ನಮೋ
ನಮೋ ನಮೋ ನಮೋ ವೆಂಕಟೇಶ || ೬ ||
0 ಕಾಮೆಂಟ್‌ಗಳು