|| ಶ್ರೀ ಶ್ರೀಗಳವರ ಪೂರ್ವಜರು ||
ಸತ್ಯಪ್ರತಿಜ್ಞೆಯ ಈಶ್ವರಿ ಸಂತತಿ |
ಪಟಗುಪ್ಪೆ ಶ್ರೀ ಸುಬ್ಬಾಶಾಸ್ತ್ರಿಗಳೂ ॥
ಸತ್ವಮೂರ್ತಿಯು ಹರಿದ್ವಾರ ಬದರಿಯಲಿ ।
ಕೋಟಿ ಲಿಂಗಾರ್ಚನೆಗೈದಿರಲೂ ॥
ನರಸಿಂ ಹಭಾರತಿಸ್ವಾಮಿಗಳಿವರನ್ನು ।
ಶೃಂಗೇರಿ ಕ್ಷೇತ್ರಕ್ಕೆ ಕರೆಸಿದ್ದರು ।
ಪರಮಾನುಗ್ರಹದಿಂದ ಸೌಕರ್ಯ ಕಲ್ಪಿಸಿ ।
ಈ ಸಂಸ್ಥಾನದಿ ನಿಲ್ಲಿಸಿದ್ದರು ॥ ೧॥
ಶೃಂಗೇರಿ ಕ್ಷೇತ್ರದಿ ಇವರ ಸುಪುತ್ರರು ।
ಗೋಪಾಲ ಶಾಸ್ತ್ರಿಗಳಿರುತಿರಲು ॥
ಮಂಗಳ ಸಾಧ್ವಿಯು ಪತಿವ್ರತ ಭಕ್ತಿಯ ।
ಲಕ್ಷ್ಮಮ್ಮ ಪತ್ನಿಯರೊಡನಿರಲು ॥೨॥
ವೇದ ವೈದಿಕ ಧರ್ಮಶಾಸ್ತ್ರ ಪ್ರಮಾಣದಿ |
ಮಹದೇವನರ್ಜಿಸಿ ಸುಖಿಸಿರಲು ॥
ಆದರಿಸುತ ಪತಿಪಾದವ ಪೂಜಿಸಿ |
ಪಾರ್ವತಿಕೃಪೆ ಸತಿ ಪಡೆದಿರಲು || ೩ ||
ಜನ್ಮವೆತ್ತಿದ ಮಕ್ಕಳುಳಿಯದೆ ಹೋಗಲು ।
ತಮ್ಮಯ ಕರ್ಮಕ್ಕೆ ವ್ಯಥೆ ಪಡುತ ॥
ಬ್ರಹ್ಮನ ಬರಹವ ಮೀರುವರ್ಯಾರೆಂದು ।
ಮುಂದಿನ ಬಾಳ್ವೆಗೆ ಯೋಚಿಸುತ || ೪ ||
ಯಶೋದೆ ಮಕ್ಕಳಿಗ್ಹಂಬಲಿಸಿದ ವ್ಯಥೆ
ಲಕ್ಷ್ಮಮ್ಮನವರಿಗೆ ಉಂಟಾಯಿತು ॥
ವಂಶಾಭಿವೃದ್ಧಿಗೆ ಸುಕುಮಾರನಂ ನೋಡ ।
ಲಾಂತರ್ಯ ಚಿಂತೆಯು ಬಲವಾಯಿತು || ೫||
ಈ ಪರಿತಾಪವ ಪತಿಯೆದುರ್ಹೇಳಲು ।
ಸಮಯಾನುಕೂಲವ ಕಾದಿದ್ದರು ॥
ಶ್ರೀಪತಿ ಸೇವೆಗೆ ತೀರ್ಥಯಾತ್ರೆಯ ಗೈವ ।
ತಮ್ಮಭಿಪ್ರಾಯವ ತಿಳಿಸಿದರು || ೬||
ದೃಢಮತಿಯಿಂದಲಿ ನೃಸಿಂಹಭಾರತಿ ।
ಸ್ವಾಮಿಗಳನುಗ್ರಹ ಕೈಗೊಳ್ಳುತ ॥
ಉಡುಪಿ ಗೋಕರ್ಣದ ಸಂಚಾರದಿಂದಲಿ ।
ವಿಶ್ವೇಶನಡಿಗಳ ಪೂಜಿಸುತ ||೭||
ಅತಿಶಯ ಭಕ್ತಿಲಿ ಧ್ಯಾನ ತಪಸ್ಸಲಿ |
ಶಂಕರ ಗುರುಪಾದ ಧ್ಯಾನಿಸುತ ॥
ಪತಿ ಧ್ಯಾನಾಸಕ್ತಿಯ ಮಹಾಯೋಗಶಕ್ತಿಯ |
ಅನಸೂಯ ಅತ್ರಿಯರಂತಿರುತ ||೮||
ಪೂರ್ವಪುಣ್ಯಾರ್ಜಿತ ಸುಕೃತದ ಪ್ರಾಪ್ತಿಗೆ ।
ಜಗದಂಬೆ ಶಾರದೆ ॥ ಭಜಿಸುತಲಿ ॥
ಸರ್ವಕಾಲವು ಮಲಹಾನಿಕರೇಶ್ವರ |
ಭವಾನಿಪ್ರಾರ್ಥನೆ ಎಸಗುತಲಿ ॥ ೯॥
ಗೋಕರ್ಣಕ್ಷೇತ್ರದಿ ಮಹಾಬಲೇಶ್ವರಪೂಜೆ ।
ಮಾಡಿದ ಪುಣ್ಯದ ಫಲದಿಂದಲಿ ॥
ಸಾಕಾರದಿಂ ಶಿವ ಅನುಗ್ರಹಗೈದಿಹ ।
ಬಿಲ್ವ ಪ್ರಸಾದದ ಮಹಿಮೆಯಲಿ ॥೧೦॥
ಸುಪುತ್ರ ರತ್ನೋದ್ಭವ ನರಸಿಂಹ ಭಾರತಿ
ಸ್ವಾಮಿಯ ಕೃಪೆಯೊಳು
ನರಸಿಂಹಭಾರತಿ ಸ್ವಾಮಿಯ ಕೃಪೆಯೊಳು ।
ಮನದಲಿ ಶಾಂತಿಯ ತಾಳಿದರು ॥
ಪರಮ ಯತೀಂದ್ರರ ಕರುಣ ಕಟಾಕ್ಷದಿ ।
ಈ ಪುತ್ರರತ್ನವ ನೋಡಿದರು ॥೧೧॥
ನಂದನವರ್ಷ ಆಶ್ವ್ಮೀಜದ ಬಹುಳ ।
ಏಕಾದಶಿಯದಿನ ಕಂದನುದಿಸಿರಲು ॥
ಆದಿಶಂಕ್ರಾಚಾರ್ಯರನುಪಮ ಶಿಷ್ಯರ ।
ಸನಂದನರ ಪೂರ್ಣ ಕಳೆಯಿರಲು ॥ ೧೨॥
ಉತ್ಸಾಹದಲಿ ಶಿಶು ಜನ್ಮದಿನೋತ್ಸವ ।
ವಿಪ್ರರಿಂದೊಡಗೂಡಿ ನಡೆಸಿದರು ॥
ಪ್ರೋತ್ಸಾಹದಿಂದಲಿ ಮುತ್ತೈದೆರಂದಿನ ।
ಸಂಪ್ರದಾಯದ ಶಾಸ್ತ್ರ ಮುಗಿಸಿದರು ॥ ॥ ೧೩ ॥
ನರಸಿಂಹದೇವರ ಹೆಸರಿಟ್ಟು ಕೂಸಿಗೆ ।
ನಾಮಕರಣ ಪೂರೈಸಿದರು ॥
ಮರೆಯದೆ ಶ್ರೀ ಗುರುಪಾದವ ಪೂಜಿಸಿ ।
ಹರಿನಾಮಸ್ಮರಣೆಯ ಮಾಡಿದರು ॥ ೧೪ ॥
ಮೊದಲಿನ ಮಕ್ಕಳು ಕಣ್ಮರೆಯಾಗಲು
ವಿಧಿಯ ವಿಲಾಸಕೆ ಚಿಂತಿಸುತ ॥
ಉದಿಸಿಹ ಈ ಕಂದನಾಯುಸ್ಸು ಹೆಚ್ಚಲು|
ವಿಧವಿಧ ದೇವರ ಧ್ಯಾನಿಸುತ ॥ ೧೫ ॥
ಲಕ್ಷ್ಮೀದೇವಿಯು ತಮ್ಮ ಪತಿಪಾದಕೊಂದಿಸಿ ।
ಈ ಕೂಸನುಳಿಸಲು ಪ್ರಾರ್ಥಿಸಲು ॥
ಲಕ್ಷ್ಯದಿಂ ಪತಿನೋಡಿ ಮೃತ್ಯುಂಜಯನ ಬೇಡಿ ।
ಮಲ್ಲಿಕಾರ್ಜುನ ಗುಡಿಗರ್ಪಿಸಲು ॥ ೧೬ ॥
ಪರಮೇಶ್ವರಿ ಕೃಪೆಯಿಂದಲಿ ಕಂದನು ।
ಶಿವಲಿಂಗದ ಬಳಿ ಸೇರಿದ್ದಿತು ॥
ವರಪುತ್ರ ತನ್ನಯ ಸನ್ನಿಧಿಸೇರಲು ।
ಶಿವನಿಗೆ ಸಂತೋಷವಾಗಿದ್ದಿತು ||೧೭ ॥
ಭವಾನಿಶಂಕರ ಸುಕುಮಾರನಂ ಕಂಡು |
ಬ್ರಹ್ಮ ವಿದ್ಯಾಗ್ರ ಗಣ್ಯನಾಗೆನ್ನಲು ॥
ಭವಾನಿದೇವಿಯು ಅಮೃತವ ಊಡಿಸಿ ।
ದೀರ್ಘಾಯುವೆನ್ನುತ ಸಂತೈಸಲು ॥ ೧೮ ॥
ಸಪ್ತ ಋಷಿಗಳೆಲ್ಲ ಸ್ವಸ್ತಿ ವಾಚನದಿಂದ ।
ಸರ್ವಜ್ಞ ಮೂರ್ತಿಯೆಂದ್ಹರಸಿದರು ॥
ಮಾತೃಕೆಯರು ತಮ್ಮಯ ಬಳಗದಿ ।
ಸುಪುಷ್ಪ ವೃಷ್ಟಿಯ ಸುರಿಸಿದರು ॥೧೯॥
ಮಗುವಲ್ಲಿ ಮೌನದಿ ಚಂದ್ರಕಾಂತಿಯೊಳಿರೆ ।
ಅಪ್ಪೂ ಜೋಯಿಸರೆಂಬ ಜ್ಯೋತಿಷ್ಯರು ॥
ನಗು ಮೊಗದೊಳಗಿದ್ದ ಬಾಲನ ಮುದ್ದಿಸಿ ।
ಮುಂದಿನ ಮೇಲ್ಮೆಯ ಬಯಸಿದರು ॥ ॥ ೨೦ ॥
ಜಗದಭಿರಾಮನ ಲೀಲೆಯ ಯೋಚಿಸಿ ।
ಸಗುಣಮೂರ್ತಿಯ ಧ್ಯಾನಮಾಡಿದರು |
ಅಘಟಿತ ಘಟನ ಕಟಾಕ್ಷನ ಪ್ರಾರ್ಥಿಸಿ ।
ಮಗುವನು ತಾಯಿಗೆ ತಂದಿತ್ತರು ॥ ॥ ೨೧॥
ಮನದಲಿ ಶಾರದದೇವಿಯ ಭಜಿಸಲು ।
ಘನತರ ಭಕ್ತಿಯ ಅರುಹಿದರು ॥
ದಿನದಿನ ಕಂದನು ವೃದ್ಧಿಯ ಹೊಂದಲು ।
ಆಶೀರ್ವದಿಸಿ ತೃಪ್ತಿ ಹೊಂದಿದರು ॥ ॥ ೨೨॥
ಶ್ರೀ ಶ್ರೀ ಗಳ ಬಾಲ್ಯ ಮತ್ತು ವಿದ್ಯಾಭ್ಯಾಸ
ಕ್ಷೀರಹಾರವ ಕೊಟ್ಟು ವಾತ್ಸಲ್ಯ ಭಾವದಿ ।
ತಾಯಿಯು ಕೂಸನು ಸಲಹಿದರೂ ॥
ವಿರಾಮಕಾಲದಿ ಸುಜ್ಞಾನ ಬೋಧೆಯ |
ಸತ್ಕಥಾ ಶ್ರವಣವ ಕೊಡುತ್ತಿದ್ದರೂ ॥ ॥ ೨೩॥
ತಪ್‌ಹೆಜ್ಜೆ ಇಡುತಲಿ ತೊದಲ್ನುಡಿಯಾಡುತ ।
ಕಂದನು ಮುನಿಜನಕ್‌ ಹರ್ಷಿಸಲೂ ॥
ಒಪ್ಪುವ ಲಕ್ಷಣ ಚಿನ್ಹೆಗಳಾಟದಿ |
ಜನತೆಗೆ ಸಂತೋಷವಾಗಿರಲೂ ॥ ॥ ೨೪ ॥
ಬಾಲನ ಮೇಲ್ಮೆಯ ಪಾಲನೆಯೋಚಿಸಿ ।
ನೆರೆಹೊರೆ ಗೃಹಜನ ಪ್ರೀತಿಸಲೂ ॥
ಫಾಲಾಕ್ಷನರ್ಚನೆ ಭಜನೆಯ ಆಟದಿ ।
ಬಾಲ್ಯನ ಕಂದನು ಕಳೆದಿರಲೂ ॥ ೨೫ ॥
ಬ್ರಾಹ್ಮಣ್ಯಧರ್ಮದ ನಿರ್ಣಯಶಾಸ್ತ್ರದಿ ।
ಚೌಲೋಪನಯನವ ಮಾಡಿದರೂ ॥
ಬ್ರಾಹ್ಮೀವಲುಮೆ ದಿವ್ಯ ಜಪತಪ ಸಾಧನೆ ।
ಬ್ರಹ್ಮಚಾರಿವ್ರತ ಅರುಹಿದರೂ ॥ ೨೬॥
ದುರ್ಗುಣವರ್ಚಿಸಿ ಸದ್ಗುಣಸಾಧಿಸಿ |
ನಿರ್ಧರದಲಿ ವಟು ಬೆಳದಿರಲೂ ॥
ನಿರ್ಗುಣರೂಪದ ಸದ್ಗುರು ಅರಸುವ ।
ವೆಗ್ಗಳ ಮನವನು ಗಳಿಸಿರಲೂ ॥ ೨೭॥
ಹರಿಹರ ಬ್ರಹ್ಮರ ಚಹರೆ ಸ್ವಭಾವವು ।
ವರಬಾಲನಾಟದಿ ಹೊರಹೊಮ್ಮಿತೂ ॥
ಹರಗುರುಶಂಕರ ತಿರುಗಿಲ್ಲಿ ಹುಟ್ಟಿದ ।
ಶ್ರೀ ದಕ್ಷಿಣಾಮೂರ್ತಿ ಬಲ ಕಂಡಿತೂ ॥ ೨೮ ||
ಬಾಲ್ಯದಿ ತಾಯ್ತಂದೆಗೊಂದಿಸಿ ಸಂಪೂರ್ಣ ।
ಸಂಸ್ಕೃತ ವಿದ್ಯೆಯ ಕಲಿತಿಹರೂ ॥
ಮೇಲಾಗಿ ಶ್ರೀಗುರುಕೃಪೆಯ ಕಟಾಕ್ಷದಿ ।
ಪಂಡಿತಪ್ರಾಜ್ಯರೆಂದೆನಿಸಿದರೂ ॥ ೨೯ ॥
ಗೃಹಧರ್ಮ ವೃದ್ಧಿಗೆ ಕಲ್ಯಾಣ ಮಾಡಲು
ಮನೆಜನದಲಿ ಪ್ರಯತ್ನವೌ ನಡೆದೂ ॥
ಮಹಯೋಗಿ ನರಸಿಂಹಸ್ವಾಮಿಯ ಕೇಳಲು ।
ಇದಕವಕಾಶ ಕೊಡದೆ ತಡೆದೂ ॥ ॥೩೦॥
ಮುಂದಿನ ಬಾಳ್ವೆಯ ಮೇಲ್ಮೆಯ ಯೋಚಿಸಿ |
ಇಂದಿನಿಂದಲೆ ವೇದ ಕಲಿಯಲೆಂದೂ ॥
ಅಂದಿನಿಂ ವಿದ್ಯಾಭಿವೇದ್ಧಿಯ ಹೊಂದಲು ।
ಪಾದುಕೆಯನು ಕೊಟ್ಟು ಹರಸಿದರೂ ॥ ॥೩೧॥
ನರಸಿಂಹಭಾರತಿ ಶ್ರೀಗಳು ಮೌನದಿ ।
ಶಾರದೆ ಪ್ರಾರ್ಥಿಸಿಕೊಂಡಿದ್ದರೂ ॥
ನರಸಿಂಹ ಶಾಸ್ತ್ರಿಯೊಳಾವಿರ್ಭವಿಸೆಂದು ।
ಶ್ಲೋಕರೂಪದಿ ಸ್ತೋತ್ರ ಮಾಡಿದ್ದರೂ ॥ ॥ ೩೨ ॥
ಶ್ರೀಗುರುಪಾದುಕೆ ಶಾರದೆಕ್ಕಪೆಯಿಂದ ।
ವೇದವೇದಾಂತವ ಪೂರೈಸುತಾ ॥
ಯೋಗತತ್ವಾರ್ಥದಿ ಅದ್ವೈತ ಜ್ಯೋತಿಷ್ಯ ।
ತರ್ಕಮೀಮಾಂಸದಿ ಬಲಹೊಂದುತಾ ॥ ೩೩ ॥
ಸಂಸ್ಕೃತದಲಿ ನಾಟಕಾಂತಸಾಹಿತ್ಯದಿ |
ಪ್ರತಿಭಾಶಾಲಿಗಳೆಂದೆನಿಸಿದರೂ ॥
ಸಂಸ್ಕೃತಿಯಲಿ ಸದ್ಗುಣ ಗಣ ಪ್ರಾಜ್ಯರು ।
ಜಗದ್ವಿಖ್ಯಾತಿಯ ಪಡೆದಿಹರೂ ॥ ॥ ೩೪ ॥
ಶ್ರೀ ಶ್ರೀ ನರಸಿಂಹ ಭಾರತಿ ಯೋಗೀಂದ್ರ ನಿರ್ಯಾಣ
ನರಸಿಂಹಭಾರತಿ ಯೋಗೀ೦ದ್ರರಂತ್ಯದಿ ।
ಬ್ರಹ್ಮರಂಧ್ರ ಭೇದಿಸ್ಯ್ಹೋರ ಹೊರಟರೂ ॥
ಪರಿಪೂರ್ಣ ಜ್ಯೋತಿಯ ಓಂಕಾರ ಪ್ರಣವದಿ ।
ಆತ್ಮಪ್ರಭೆಯಸ್ಥಾನ ಸೇರಿದರೂ ॥ ॥ ೩೫ ॥
ಶಂಭೂ ಸ್ಮರಣೆಯೊಳು ಭೋಂಕಾರ ಘೋಷದಿ ।
ಆತ್ಮಾರಾಮನೊಳೈಕ್ಯ ವಾಹಿಹರೂ ॥
ನಂಬಿದ ಶಿಷ್ಯರಿಗನುಗ್ರಹಿಸಿ ತಾವು ।
ಅಂಬರಮಧ್ಯದಿ ನೆಲಸಿಹರೂ ॥ ॥ ೩೬ ॥
ಪ್ರತ್ಯಕ್ಷ ಈಶ್ವರ ಅದೃಶ್ಯವಾದಂಥ ।
ವಿಸ್ಮಯ ವ್ಯಸನವು ಪ್ರಜೆಗಾಯಿತೂ ॥
ನಿತ್ಯಾತ್ಮನರಿಯುವ ಅದ್ವೈತ ಬೋಧೆಯ |
ಸದ್ಗುರು ಮಂತ್ರವು ಸ್ಥಿರವಾಯಿತೂ ॥ ೩೭ ॥
ಶ್ರೀ ಶ್ರೀ ತಪಶ್ಚಕ್ರವರ್ತಿ ಪಟ್ಟಾಭಿಷೇಕ
ಮೊದಲಿನ ಯೋಗೀಂದ್ರರನುಗ್ರಹದಿಂದಲಿ ।
ನಿಂದರು ಜಗದ್ಗುರು ಸ್ಥಾನದಲೀ ॥
ವಿಧಿವತ್ಸನ್ಯಾಸದ ಪೀಠಾಧಿಕಾರದಿ ।
ಪಟ್ಟಾಭಿಷೇಕವ ಹೊಂದುತಲೀ ॥ ೩೮ ॥
ಶ್ರೀಮತ್ಪರೀಧಾವಿ ಸಂವತ್ನರ ಚೈತ್ರ ।
ಕೃಷ್ಣ ಷಷ್ಠಿಯ ರವಿವಾರದಲೀ ॥
ಶ್ರೀಮಜ್ಜಗದ್ಗುರು ಪದವಿಯ ಪೀಠದಿ ।
ಬ್ರಹ್ಮಾನುಸಂಧಾನ ಗೈಯ್ಯುತಲೀ ॥ ॥೩೯॥
ಶ್ರೀಸಚ್ಚಿದಾನಂದ ಶಿವಾಭಿನವ ಶ್ರೀ ।
ನರಸಿಂಹಭಾರತಿವರಬಲದೀ ॥
ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ।
ಬಿರುದಾಂಕಿತಗಳಿಹ ಸುಸ್ಥಳದೀ ॥ ೪೦ ॥
ಶ್ರೀಚಂದ್ರಶೇಖರಭಾರತಿಸ್ವಾಮಿಗ ।
ಳೆಂಬಭಿದಾನದಿ ನೆಲಸಿಹರೂ ॥
ಶ್ರೀಚಂದ್ರಮೌಳೀಶ ಪ್ರತ್ಯಕಲಭಿಸಿದ ।
ರೂಪದಿ ದರ್ಶನಕೊಡುತಿಹರೂ ॥ ೪೧ ॥
ವ್ಯಾಖ್ಯಾನ ಸಿ೦ಹಾಸನಾಸ್ಥಾನದಲಿ ಮಹಾ |
ವಾಕ್ಯೋಪದೇಶವ ಪಡೆದಿಹರೂ ॥
ವಾಕ್ಯಾರ್ಥ ಅದ್ವೈತ ಬ್ರಹ್ಮವಿದ್ಯಾತತ್ತ್ವ ।
ಸಿದ್ಧಿಸೊ ಸದ್ಬೋಧೆ ತಿಳಿಸುವರೂ ॥ ೪೨ ॥
ಯೋಗೇಂದ್ರರಿವರಿಗೆ ತಪಶ್ಚಕ್ರವರ್ತಿಯ |
ಕಿರೀಟಧಾರಣೆ ಗೈದಿಹರೂ ॥
ಯೋಗಾಭ್ಯಾಸದಿ ಪೂರ್ಣಸರ್ವಜ್ಞರಾಗಲು
ಭಾರತಿಗುರು ಆಶೀರ್ವದಿಸಿದರೂ ॥ ೪೩ ॥
ಕಾಷಾಯಾಂಬರಧಾರಿ ದಂಡ ಕಮಂಡಲ ।
ಮುಕ್ಷಾಕ್ಷ ಮಾಲೆಯ ಧರಿಸಿಹರೂ ॥
ಭಸ್ಮಾಲಂಕಾರದಿ ಸ್ಪಟಿಕ ರುದ್ರಾಕ್ಷಿಯ ।
ಜಪಸರದಿಂ ಶಿವನಂತಿಹರೂ ॥ ೪೪ ॥
ಮೇದಿನಿಯೊಳು ಸರ್ವದೇವ ಸಮೂಹವು ।
ಈ ಉತ್ಸವದಿ ಬಂದು ಸೇರಿದ್ದಿತೂ ॥
ಸಾಧುಸಂತರು ಅವಧೂತ ಯೋಗೀಂದ್ರರು |
ಶಿಷ್ಟವರ್ಗದ ಗುಂಪು ಕೂಡಿದ್ದಿತೂ ॥ ೪೫ ॥
0 ಕಾಮೆಂಟ್‌ಗಳು