|| ಶಾರದಾ ಸ್ತುತಿ ||
ರಾಗ:ಮಧ್ಯಮಾವತಿ
ತಾಳ : ತ್ರಿಶ್ರ ನಡೆ
ಎಂಥ ಅಂದ | ಎಂಥ ಚೆಂದ । ಶಾರದಮ್ಮ। ನಿನ್ನ
ನೋಡಲೆರಡು ಕಣ್ಣು ನಮಗೆ ಸಾಲದಮ್ಮ ॥ ನಿನ್ನ ॥
ಎಂಥ ಅಂದ ॥
॥ಇನ್ನು ಇನ್ನು ನೋಡುವಾಸೆ ತುಂಬಿತಮ್ಮ| ಇನ್ನು।
ಕೋಟಿ ಜನುಮ । ಬರಲಿ ಎನಗೆ ಸಾಲದಮ್ಮ ॥
ಅಭಯಹಸ್ತ ನೋಡಿ ಜೀವ ಕುಣಿಯಿತಮ್ಮ|ನಿನ್ನ ॥
ಪಾದಕಮಲದಲ್ಲಿ । ಶಿರವು ಬಾಗಿತಮ್ಮ। ನಿನ್ನ ॥
ಎಂಥ ಅಂದ ॥ ೧.
॥ ಎಂಥ ಶಕ್ತಿ ನಿನ್ನಲಿದೆಯೋ ಶಾರದಮ್ಮ | ನಿನ್ನ ॥
ನೋಡಿ ಹಾಡೋ ಆಸೆ ನನಗೆ ಬಂದಿತಮ್ಮ॥
ರತ್ನದಂಥ ಮಾತುಗಳನೆ ಆಡಿಸಮ್ಮ॥ ಒಳ್ಳೆ ॥
ರಾಗ ಭಾವ ಭಕ್ತಿತುಂಬಿ ಹಾಡಿಸಮ್ಮ ॥
ಎಂಥ ಅಂದ ॥ ೨.
ಅಲ್ಲಿ ಇಲ್ಲಿ ಓಡೋ ಮನಸು ನನ್ನದಮ್ಮ ॥ ನೀನು ॥
ಬೇಗ ಬಂದು ನೆಲೆಸು ಅಲ್ಲಿ ಶಾರದಮ್ಮ॥
ಬೇರೆ ಏನು ಬೇಕು ಎ೦ದು ಕೇಳೆನಮ್ಮ ॥ ನಿನ್ನ ॥
ವೀಣೆತಂತಿ ಮಾಡಿ ನುಡಿಸು ಶಾರದಮ್ಮ ॥
ಎಂಥ ಅಂದ ॥ ೩.
0 ಕಾಮೆಂಟ್‌ಗಳು