ಶಿವಸ್ತುತಿ
 |
| kannadabhajanlyrics.com |
ಎಂಥಾ ಚೆಲುವಗೆ ಮಗಳನು ಕೊಟ್ಟನು
ಗಿರಿರಾಜನು ನೋಡಮ್ಮ
ಕಂತು ಹರ ಶಿವ ಚೆಲುವ ಎನ್ನುತ
ಮೆಚ್ಚಿದನೇ ನೋಡಮ್ಮಮ್ಮಾ || ಪ ||
ಮೋರೆ ಐದು ಮೂರು ಕಣ್ಣು ವಿಪರೀತ ನೋಡಮ್ಮ
ಕೊರಳೊಳು ರುಂಡ ಮಾಲೆಯ ಧರಿಸಿದ
ಉರಗಭೂಷಣನ ನೋಡಮ್ಮ || ೧ ||
ತಲೆಯಂಬೋದು ನೋಡಿದರೆ ಜಟೆ
ಹೊಳೆಯುತ್ತಿದೆ ನೋಡಮ್ಮಮ್ಮಾ
ಹಲವು ಕಾಲದ ತಪಿಸಿ ರುದ್ರನ
ಬೂದಿಯ ನೋಡಮ್ಮಮ್ಮಾ || ೨ ||
ಭೂತ ಪ್ರೇತ ಪಿಶಾಚಿಗಳೆಲ್ಲ
ಪರಿವಾರವು ನೋಡಮ್ಮಮ್ಮ
ಈತನ ನಾಮವು ಒಂದೇ ಮಂಗಳ
ಮುಪ್ಪರಹರ ನಿವ ನೋಡಮ್ಮಮ್ಮ || ೩ ||
ಮನೆಯೆಂಬುದು ಸ್ಮಶಾನವು ನೋಡೆ
ಗಜ ಚರ್ಮಾಂಬರ ನೋಡಮ್ಮ
ಹಣವೊಂದಾದರು ಕೈಯೊಳಗಿಲ್ಲ
ಕಪ್ಪರವನು ನೋಡಮ್ಮಮ್ಮ || ೪ ||
ನಂದಿವಾಹನ ನೀಲಕಂಠನ
ನಿರ್ಗುಣನಿವ ನೋಡಮ್ಮಮ್ಮ
ಇಂದಿರೆ ರಮಣನ ಶ್ರೀಪುರಂದರವಿಠಲನ
ಪೊಂದಿದವನ ನೋಡಮ್ಮ || ೫ ||
0 ಕಾಮೆಂಟ್‌ಗಳು