|| ಗುರು ಸ್ತುತಿ ||
 |
| kannadabhajanlyrics.com |
ರಾಗ : ಷಣ್ಮುಖಪ್ರಿಯ
ತಾಳ : ಆದಿ
ಇಲ್ಲೇ ಸುಕ್ಷೇತ್ರ ಕಾಣಿರೋ । ಬಲ್ಲವರಿಗೆ ।
ಇಲ್ಲೇ ಸುಕ್ಷೇತ್ರ ಕಾಣಿರೋ |
ಇಲ್ಲೇ ಸುಕ್ಷೇತ್ರವು|ಬಲ್ಲಂಥ ಮಹಿಮರಿಗೆ ।
ಇಲ್ಲಿಲ್ಲದಿಹುದು । ಮತ್ತಲ್ಲಿಯೂ ಇಲ್ಲದರಿಂದ ॥
||ಇಲ್ಲೇ ಸುಕ್ಷೇತ್ರ ॥
॥ ತನುವೆ ಕಾಶೀಕ್ಷೇತ್ರ। ಮನವೆ ಗಂಗಾತೀರ್ಥ ||
ತನುಮನವ ಬೆಳಗಿಸುವ । ಆತ್ಮನೆ ಶಿವನು ॥
ಅನವರತ ಅವನನ್ನೇ । ನೆನೆಯುವ ಮನತಾನೆ ॥
ಘನದುರಿತವ ಕಳೆದು । ಕೈವಲ್ಯವಿರುವುದರಿಂದ ॥
ಇಲ್ಲೇ ಸುಕ್ಷೇತ್ರ ||೧ ||
ಮೂಢನಂಬಿಕೆಯಿಂದ । ದೇಶದೇಶವ ತಿರುಗಿ ॥
ಅಲ್ಲಿಯೂ ನೋಡಿದರು । ಗುಡಿಗೋಪುರವು
ಮಡಿಯಿಂದ ಜಡವದನು । ಅಡಿಗಡಿಗೆ ಪೂಜಿಸಲು ॥
ಕೊಡಲು ಬಲ್ಲುದೆ ನಿನಗೆ । ದೃಢ ಪರಗತಿಯಾ ॥
ಇಲ್ಲೇ ಸುಕ್ಷೇತ್ರ ॥ ೨ ||
॥ ಜನಿಸದು ವೈರಾಗ್ಯ । ಮನಶುಚಿಯಾಗದೇ ॥
ತನು ಇಂದ್ರಿಯಗಳು । ನಿಲ್ಲಲಾರವು ॥
ಶುನಕನಂದದಿ ಸುತ್ತಿ । ಫಲವಿಲ್ಲದದರಿಂದ ||
ನೆನೆ ಗನ ಗುರು । ಬಿಂದು ಮಾಧವರ ನುತಿಸಲು ॥
ಇಲ್ಲೇ ಸುಕ್ಷೇತ್ರ || ೩ ||
0 ಕಾಮೆಂಟ್‌ಗಳು