ರಾಗ : ಚಾಂದ್‌
ತಾಳ : ಆದಿ
 |
| kannadabhajanlyrics.com |
ಅಕ್ಕರೆಯಿಲ್ಲದ ಸಕ್ಕರೆತುಪ್ಪ |ತಿನ್ನಬೇಡಿರೋ ||
ಲೆಕ್ಕವಿಲ್ಲದ ಮಾತುಗಳನ್ನು |ಆಡಬೇಡಿರೋ ||
ನಿತ್ಯವು ರಾಮ ಧ್ಯಾನವನ್ನು|ನೀವು ಮಾಡಿರೋ ॥
ಸತ್ಯದಿಂದಲಿ ಸದ್ಭಕ್ತರು| ನೀವು ಆಗಿರೋ ॥ ೧.
ಆಗುಹೋಗುಗಳನು ನೀವು |ಬೇಗತಿಳಿಯಿರೋ ||
ನಿತ್ಯಾನಂದರ ಪಾದವನ್ನು ನೀವು ಸೇರಿರೋ ॥
ನಿತ್ಯ ತೃಪ್ತಿಯನ್ನು । ನೀವು । ಇಲ್ಲೇ ಪಡೆಯಿರೋ ।
ನಿಗಮ ಗೋಚರ|ಪಾದಭಜನೆ|ಬಿಡದೆ ಮಾಡಿರೋ॥
||ಅಕ್ಕರೆಯಿಲ್ಲದ ॥ ೨.
ನೀವು ಮಾಡಿದ । ಪಾಪಗಳನು । ಕಳೆದುಕೊಳ್ಳಿರೋ ।
ಆಗ ಈಗ ಎನ್ನದಂತೆ । ಧ್ಯಾನವಮಾಡಿರೋ ॥
ಹೊತ್ತುಕಾಲ ಇಲ್ಲದಂತೆ । ಕುಳಿತುಕೊಳ್ಳಿರೋ ।
ನಿದ್ದೆಮುದ್ದೆ ತಡೆದು ನೀವು ಧ್ಯಾನವ ಮಾಡಿರೋ||೩.
ಆಸೆಯೆಂಬುದ ಬಿಟ್ಟು ನೀವು । ಆತನ ಸೇರಿರೋ ।
ಸತ್ಯಮೂರ್ತಿಯ ಪಾದವನ್ನು ನೀವು ಸೇರಿರೋ ॥
ಸಣ್ಣಪುಟ್ಟ ಮಾತುಗಳನು । ಆಡಬೇಡಿರೋ ।
ಅಲ್ಲಿ ಇಲ್ಲಿ ಎಂಬುದನ್ನು | ಬಿಟ್ಟುಬಿಡಿರೋ ॥ ೪.
ಸೊಕ್ಕಿನಿಂದಲಿ ನೀವು ಇದ್ದು ಮೆರೆಯಬೇಡಿರೋ ।
ರಾಮನಾಮದ ಭಜನೆಯನ್ನು ತಪ್ಪದೆ ಮಾಡಿರೋ ॥
ಪಾಪಪುಣ್ಯವನ್ನು ನೀವು ತಿಳಿದು ನಡೆಯಿರೋ ।
ಪುರಂದರ ವಿಠಲನ ಪಾದಸೇವೆ|ನೀವು ಮಾಡಿರೋ||೫.
0 ಕಾಮೆಂಟ್‌ಗಳು