॥ ಹನುಮ ಸ್ತುತಿ ॥
ರಾಗ : ಜಂಜೂಟಿ
ತಾಳ:-ತ್ರಿಷ ನಡೆ
ಎನ್ನ ಕಂದಾ । ಹಳ್ಳಿಯ ಹನುಮ ||
ಚೆನ್ನಾಗಿ ಇಹರೇ|ಲಕ್ಷ್ಮಣ ದೇವರು||ಎನ್ನ ಕಂದಾ||ಪ.
ತುಪ್ಪ ಪಂಚಾಮೃತವಂದು । ಅಡವಿಗಡ್ಡೆಳಿಂದು ॥
ಕರ್ಪೂರ ವೀಳ್ಯವಂದು । ಕರುಪು ಇಂದು ॥
ಸುಪ್ಪತ್ತಿಗೆ ಮಂಚವಂದು । ಹುಲ್ಲ ಹಾಸಿಗೆ ಇಂದು ॥
ಶ್ರೀಪತಿ ರಾಘವ । ಕ್ಷೇಮಾದೊಳೈದಾರೆ ॥
ಶ್ರೀಪತಿ ॥ ಎನ್ನ ಕಂದಾ ॥ ೧.
॥ ನವವಸ್ತ್ರಗಳು ಅಂದು । ನಾರಸೀರೆಗಳಿಂದು ॥
ಹೂವಿನದಂಟು ಅಂದು । ಜಟೆಗಳಿಂದು ॥
ಜವಾದಿ ಕಸ್ತೂರಿ ಅಂದು । ಭಸಿತ ಧೂಳಿ ಇಂದು ॥
ಶ್ರೀವರ ರಾಘವ । ಕ್ಷೇಮಾದೊಳೈದಾರೆ ॥
ಶ್ರೀವರ ॥ ಎನ್ನ ಕಂದಾ ॥ ೨.
॥ ಕನಕರಥಗಳಂದು । ಕಾಲನಡಿಗೆ ಇಂದು ||
ಘನಸತ್ತಿಗೆಯಂದು । ಬಿಸಿಲು ಇಂದು ॥
ಸನಕಾದಿಗಳೋಲೈಪ । ಆದಿಕೇಶವ ನಮ್ಮ ॥
ಹನುಮೇಶ ರಾಘವ । ಕ್ಷೇಮಾದೊಳೈದಾರೆ ॥
ಹನುಮೇಶ ॥ ಎನ್ನ ಕಂದಾ ॥ ೩.
0 ಕಾಮೆಂಟ್‌ಗಳು