||ತತ್ವ ಪದ ||
ರಾಗ : ಬಿಲಹರಿ
ತಾಳ : ಛಾಪು
 |
| kannadabhajanlyrics.com |
|| ನಾಳೆ ಎಂಬನ ಮನೆ ಹಾಳು ||
ನೀನು ನಾಳಿತನಕಿರುವುದು ನಿಜವೇನು ಹೇಳು ||
ನಾಳೆ ಎಂಬನ ಮನೆಹಾಳು ||ಪ ||
॥ ಕ್ಷಣಭಂಗುರವು ಎನ್ನಿಸಿದೆ ।
ನಿನ್ನ ತನುವು ಆ ಚಂದ್ರಾರ್ಕವಾಗಿ ನಿಲುವುದೇ ॥
ದಿನವೂ ರೋಗದಿ ಸಾಯುತಿರುವೆ ।
ಇದನು ಮನದೊಳಗರಿತು|ಶ್ರೀಘ್ರದಿ ಮುಕ್ತನಾಗೇ||
॥ ನಾಳೆ ಎಂಬನ ಮನೆಹಾಳು ||೧||
ಹಾಳು ವಾದವ ಮಾಡಬಲ್ಲೆ | ನಿನ್ನ।
ಮೂಲತತ್ವ ಕಿವಿಯಲಿ | ಕೇಳಾಲೇ ಒಲ್ಲೆ ॥
ಖೂಳ ಕುಹಕ ವಿದ್ಯೆಬಲ್ಲೆ । ಎಷ್ಟು |
ಹೇಳಲು ಆಸೆ ಮೋಹವ ಬಿಡಲೊಲ್ಲೆ
॥ ನಾಳೆ ಎಂಬನ ಮನೆಹಾಳು ||೨||
॥ ಕೊಡದೇಕಾದರೆ ನಾಳೆ ಎಂದೆ ।
ಕಟ್ಟಿ ಇಡಬೇಕಾದರೆ । ಎನ್ನದೀಗಲೇ ಎಂಬೆ ||
ಮಡದಿ ಮಕ್ಕಳಿಗಿರಲೆಂಬೆ ।
ನಾಳೆ ರುಡಿಯುವ ಯಮಭಟರು ಗಳಿಗೇನೆಂಬೆ ||
ನಾಳೆ ಎಂಬನ ಮನೆಹಾಳು ||೩||
॥ ಬರುವಾ ಕಾಲದಿ ಬರಿಗೈಯಿ ।
ನೀನು ಹೊರಡುವ ಕಾಲದೊಳದೇ ಬರಿಗೈಯಿ ॥
ಪರರನ್ನು ಜರಿಯುವ ಬಾಯಿ ।
ಇಹಪರ ಕಾಣದಾಡುವ । ತಲೆ ಹುಳಿತ ನಾಯಿ ॥
ನಾಳೆ ಎಂಬನ ಮನೆಹಾಳು ||೪||
||ವಿರತಿ ಸದ್ಭಕ್ತಿಯ ತಾಳು | ಕೆಟ್ಟ ದುರಿತದಿಂ ।
ಕುದಿಯುವುದ್ಯಾತರ ಬಾಳು ||
ನಾಳೆ ಎಂಬನ ಮನೆಹಾಳು ॥
ಸ್ಥಿರಮುಕ್ತಿ ಕಾಂತಯನಾಳು ।
ನಮ್ಮ ಗುರುಮಹಲಿಂಗನ ವಚನವ ಕೇಳು ||೫||
0 ಕಾಮೆಂಟ್‌ಗಳು