॥ ಹರಿನಾಮ ಸ್ತುತಿ ॥
ರಾಗ : ಕಲ್ಯಾಣಿ
ತಾಳ : ಛಾಪು
ಒಂದೇ ನಾಮವು ಸಲದೇ । ಶ್ರೀಹರಿಯೆಂಬ ।
ಒಂದೇ ನಾಮವು ಸಾಲದೇ ॥
ಒಂದೇ ನಾಮವು ಭವ । ಬಂಧನವ ಬಿಡಿಸುವುದು ॥
ಎಂದು ವೇದಂಗಳು । ಆನಂದದಿ ಸ್ತುತಿಸುವ ॥ ಪ||
ಉಭಯರಾಯರು|ಸಮ್ಯಕದಿ ಲೆತ್ತವನಾಡೆ ||
ಸಭೆಯೊಳು ಧರ್ಮಜ । ಸತಿಯ ಸೋಲೆ ॥
ನಭಕೆ ಕೈಯೆತ್ತಿ । ದ್ರೌಪದಿ ಕೃಷ್ಣಾ ಎನಲು ॥
ಇಭರಾಜ ಗಮನೆಗಕ್ಷಯ ವಸ್ತ್ರವ ನಿತ್ತಂಥ||೧||
ಹಿಂದೊಬ್ಬ ಋಷಿಪುತ್ರ । ಅಂದು ದಾಸಿಯ ಕೂಡೆ ॥
ಸಂದೇಹವಲ್ಲದೆ । ಹಲವು ಕಾಲ ॥
ದಂದುಗದೊಳು ಸಿಲುಕಿ । ನಿಂದಂತ್ಯಕಾಲದಿ ॥
ಕಂದ ನಾರಗನೆಂದು । ಕರೆಯಲಭಯವನಿತ್ತ ||೨||
ಕಾಶಿಯ ಪುರದೊಳು । ಈಶ ಭಕುತಿಯಿಂದ ॥
ಸಾಸಿರ ನಾಮದ । ರಾಮಾ ಎಂಬಾ ||
ಶ್ರೀಶನ ನಾಮದ । ಉಪದೇಶ ಸತಿಗಿತ್ತ||
ವಾಸುದೇವ ಸಿರಿ ಪುರಂದರ ವಿಠಲನಾ ||೩||
0 ಕಾಮೆಂಟ್‌ಗಳು