|| ತತ್ವ ವಿಚಾರ ಪ್ರಕರಣ ||
ಬರಿದೇ ನಾ ಶಿವ ನೆಂದೊಡನವ ಶಿವನಲ್ಲ |
ಸ್ಥಿರಮುಕ್ತಿ ಸುಖವ ಸದ್ಗುರು ಪುತ್ರ ಬಲ್ಲ ॥ಪಲ್ಲವಿ॥
ಮರವೆ ಸಂಶಯಗಳೆಂಬುದು ಕೆಡಲಿಲ್ಲ |
ಪರಮನ ನೆಲೆ ಗೊತ್ತು ಗುರಿ ಕಾಣಲಿಲ್ಲ |
ದುರಿತ ಪುಣ್ಯಗಳ ಶಬ್ದಗಳಡಗಿಲ್ಲ |
ಕರಣ ಧರ್ಮಗಳಾವು | ದದು ವೇದ್ಯವಿಲ್ಲಾ ||೧||
ಕಾಮಾದಿಗಳು ಹಮ್ಮಿನೊಳು ಹೊಂದಲಿಲ್ಲ |
ಹೋಮ ನೇಮಗಳೊಂದು ಬಯಲಾಗಲಿಲ್ಲ |
ನಾಮರೂಪಗಳಲ್ಲಿ ಪುಸಿ ತೋರಲಿಲ್ಲ |
ಪ್ರೇಮಾಸ್ತಿ ಭಾತಿ ತನ್ನೊಳು ಹೊಂದಲಿಲ್ಲಾ ||೨||
ಜರೆ ಮೃತಿ ಜನನ ದೇಹದೊಳಡಗಿಲ್ಲ |
ಹರಣಕ್ಕೆ ಕ್ಷುಧೆ ತೃಷ್ಣೆಗಳ ಕೊಡಲಿಲ್ಲಾ |
ಕರಣದೊಳ್‌ ಸುಖ ದುಃಖಂಗಳ ನೀಡಲಿಲ್ಲಾ |
ಅರಿವ ಸಾಕ್ಷಿತ್ವ ತನೊಳು ಕೂಡಲಿಲ್ಲಾ ||೩||
ಮನದ ಮೋಹವು ಮನಸಿನದಾಗಲಿಲ್ಲ।
ತನು ಧರ್ಮವೆನ್ನೆದೆಂಬುದು ಕೆಡಲಿಲ್ಲ|
ಕನಸು ಜಾಗರವೆರಡೊಂದಾಗಲಿಲ್ಲ |
ಚಿನುಮಯನಾಗುತ ತಾ ನಿಲ್ಲಲಿಲ್ಲಾ ||೪||
ನಶ್ವರ ಮಾಯಾ ಮೋಹವು ಕೆಡಲಿಲ್ಲ।
ದೃಶ್ಯವೆಂಬುದು ಪೋಗಿದೃಕ್ಕಾಗಲಿಲ್ಲಾ।
ದೃಶ್ಯಾದೃಕ್ಕುಗಳ ಮೂಲವ ಕಾಣಲಿಲ್ಲಾ |
ವಿಶ್ವಾಕಾರತ್ವ ತನ್ನೊಳು ತೋರಲಿಲ್ಲಾ ||೫||
ಎಲ್ಲಾ ಒಂದೆಂಬುದೊಳಗೆ ನಿಲ್ಲಲಿಲ್ಲಾ ।
ಇಲ್ಲಲ್ಲಿಗೆಳೆವೆ ಭ್ರಾಂತಿಯ ಕೊಲ್ಲಲ್ಲಿಲ್ಲಾ |
ಎಲ್ಲೆಲ್ಲೆಯುಂ ತಾನೇ ತಾನಾಗಲಿಲ್ಲ |
ಸಲ್ಲಲಿತಾನಂದದೊಳು ಕೂಡಲಿಲ್ಲಾ ||೬||
ಪರಮ ನಾನೆಂಬರಿವನು ಮರೆತಿಲ್ಲ|
ಮರವೆಗಾಶ್ರಯವಾವುದದು ತೋರಲಿಲ್ಲ।
ಪರವೆಂಬ ನುಡಿಬೆಂದು ಬೂದಿಯಾಗಲಿಲ್ಲಾ।
ಗುರುಶಂಕರನೊಳೈಕ್ಯ ತಾನಾಗಲಿಲ್ಲ॥ಬರಿದೇ ನಾ ಶಿವ।|೭
0 ಕಾಮೆಂಟ್‌ಗಳು