|| ಗುರು ಶಂಕರ ಭಗವನ್ ಸ್ತುತಿ ||
 |
| kannadabhajanlyrics.blogspot.com |
ಪಶುಪಕ್ಷಿ ಮೊದಲಾದ।
ಜನ್ಮವ ಕಳೆಕೊಂಡೆ ಫಲವೇನದರಿಂದ |
ಅಸಮಾನವಾದ। ಮಾನವ ಜನ್ಮಪಡಕೊಂಡೆ।
ಫಲವೇನದರಿಂದ ॥ಪಲ್ಲವಿ|
ಅದರೊಳುತ್ತಮವಾದ। ಪುರುಷನೇ ನೀನಾದೆ।
ಫಲವೇನದರಿಂದ |
ಮುದದಿಂದದರೊಳ್‌ ನಾ ವಿಪನೆಂದೆನಿಸಿದೆ।
ಫಲವೇನದರಿಂದ || ೧ ||
ಪರ ವೇದಮಾರ್ಗ ನಿಷ್ಠೆಯನನುಸರಿಸಿದೇ
ಫಲವೇನದರಿಂದ।
ಹಿರಿದಾ ದಾಗಮ ಶಾಸ್ತ್ರಂಗಳನೆಲ್ಲ।
ಕಲಿತೇನು ಫಲವೇನದರಿಂದ || ೨ ||
ಬೇಕಾದ ಯಜ್ಞವ್ರತಗಳನ್ನೆಲ್ಲ ಮಾಡಿದೆ।
ಫಲವೇನದರಿಂದಾ।
ನಾಕ ಲೋಕಕೆ ಪೋಗಿ ರಂಭೆಯೋಳ್‌ ಸುಖಿಸಿದೆ!
ಫಲವೇನದರಿಂದ || ೩ ||
ಕುಂಭಿಸಿ ಮರುತನ। ಬಿಡದೆ ಬಂಧಿಸಿದೇನು।
ಫಲವೇನದರಿಂದ
ಇಂಬಾಗಿ ತನುವ ಶತಕಲ್ಪ ನಿಲ್ಲಿಸಿದೇನು ।
ಫಲವೇನದರಿಂದಾ || ೪ ||
ಮಾನವರೊಳಗತಿ । ಮಾನ್ಯನೆಂದೆನಿಸಿದೇ ।
ಫಲವೇನದರಿಂದಾ।
ನಾನಾ ದಾನಗಳ ನಿಧಾನಿಸಿ ಮಾಡಿದೆ।
ಫಲವೇನದರಿಂದಾ ||೫ ||
ಗಂಗಾದಿ ಪುಣ್ಯತೀರ್ಥದೊಳೆಲ್ಲ ಮುಳುಗಿದೇ।
ಫಲವೇನದರಿಂದ |
ಅಂಗದೊಳಿರುವೊ ಪಾಪವನ್ನೆಲ್ಲ ಕಳಕೊಂಡೆ।
ಫಲವೇನದರಿಂದ || ೬ ||
ಸೇರಿ ಸುಶುಮ್ನೆಯ। ತಾರಕವನು ಕಂಡೇ।
ಫಲವೇನದರಿಂದ।
ತೋರಿತು ನಿನ್ನ ಬೆಳಕೇ ಬೇರೆ ವಿಧವಾಗಿ|
ಫಲವೇನದರಿಂದ ||೭||
ಗುರುಶಂಕರಾರ್ಯನೊಳ್‌। ಬೆರದೇಕನಾಗಿ!
ನಿನ್ನಯ ನಿಜವನು ಕಾಣದೇ।
ಮರಣ ಜನ್ಮವ ಕಳೆಯದ ಕರ್ಮ ಮಾಡಲು!
ಫಲವೇನದರಿಂದ ||೮||ಪಶು ಪಕ್ಷಿ ||
0 ಕಾಮೆಂಟ್‌ಗಳು