ಶಾರದಾ ಸ್ತುತಿ - ದೇವಿ ಶಾರದೆ ನಿನ್ನ ಚರಣಕೆ

|| ಶಾರದಾ ಸ್ತುತಿ ||

ರಾಗಃ ದೇಶ್ 

ತಾಳಃ ತ್ರಿಪುಟ

ದೇವಿ ಶಾರದೆ ನಿನ್ನ ಚರಣಕೆ |

ಶಿರವ ಬಾಗುತ ನಮಿಪೆವು |

ಕಾವುದೆಮ್ಮನು ಕರುಣೆಯಿಂದಲಿ |

ವರದ ವೀಣಾ ಪಾಣಿಯೇ | 

ಹರನು ಇಂದ್ರನು | ಹರಿ ವಿರಂಚಿಯು |

ಸುರರು ನಿನ್ನನು ಸ್ತುತಿಪರು |

ಹರಿಸುತೆಲ್ಲರ | ಮನದ ಶಂಕೆಯ |

ಹರಸು ಹರುಷದಿ ವಾಣಿಯೆ || ೧ ||

ಓದುವಾಗಲು | ಬರೆಯುವಾಗಲು |

ನುಡಿಯುವಾಗಲು ನಿನ್ನನು | 

ಮುದದಿ ನೆನೆಯುವ | ನಮ್ಮ ಮನದಲಿ ।

ಬಿಡದೆ ನೆಲಸಿರು ಮಾತೆಯೇ || ೨ ||

ವಿಜಯ ವಿದ್ಯಾರಣ್ಯ ಕಟ್ಟಿದ !

ಚಾಮುಂಡಾಂಬೆಯ ನಾಡಿನ ।

ಮನೆಯ ಮಕ್ಕಳ | ಸೌಖ್ಯ ಗಾನವ |

ಲಾಲಿಸೌ ಪರಿಪಾಲಿಸೌ || ೩ ||