|| ಗಣಪತಿ ಸ್ತುತಿ ||
ರಾಗ : ಕಾಂಬೋಧಿ
ತಾಳ : ಝಂಪೆ
ಆರಂಭದಲಿ ನಮಿಪೆ - ಬಾಗಿ ಶಿರವ ।
ಹೇರಂಬ ನೀನೊಲಿದು - ನೀಡೆಮಗೆ ವರವ ।। ಪ।|
ದ್ವಿರದ ವದನನೆ ನಿರುತ|ದ್ವಿರದ ವಂದ್ಯನ ಮಹಿಮೆ ।
ಹರುಷದಿಂದಲಿ|ಕರ ಜಿಂಹೆಯೆರಡರಿಂದ ।।
ಒರೆದು ಪಾಡುವುದಕ್ಕೆ|ಬರುವ ವಿಘ್ನವ ತರಿದು ।
ಕರುಣದಿಂದಲಿ ಯೆನ್ನ|ಕರ ಪಿಡಿದು ಸಲಹೆಂದು ।।೧।।
ಕುಂಭಿಣಿಜೆ ಪರಿ ರಾಮ।ಜಂಭಾರಿ ಧರ್ಮಜರು ।
ಅಂಬಾರಾಧಿಪ । ರಕುತಾಂಬರನೆ ನಿನ್ನ ।।
ಸಂಭ್ರಮದಿ ಪೂಜಿಸಿದ - ರೆಂಬ ವಾರುತಿ ಕೇಳಿ ।
ಹಂಬಲವ ಸಲಿಸೆಂದು|ನಂಬಿ ನಿನ್ನಡಿಗಳಿಗೆ ।।೨।|
ಸೋಮ ಶಾಪದ ವಿಜಿತ | ಕಾಮ ಕಾಮಿತ ದಾತ ।
ವಾಮದೇವ ತನಯ | ನೇಮದಿಂದ ।।
ಶ್ರೀ ಮನೋಹರನಾದ | ಶ್ಯಾಮಸುಂದರ ಸ್ವಾಮಿ ।
ನಾಮ ನೆನೆಯುವ ಭಾಗ್ಯ|ಪ್ರೇಮದಲಿ ಕೊಡುಯೆಂದು||೩||
0 ಕಾಮೆಂಟ್‌ಗಳು