|| ಗಣಪತಿಗೆ ಆರತಿ ಹಾಡು ||
ಗಜಮುಖದವಗೆ ಗಣಪಗೆ - ಚೆಲ್ವ
ಜಂಗ ವಂದಿತಗಾರತಿ ಎತ್ತಿರೇ ||
ಗಂಗೆಗೌರಿ ಪುತ್ರ ಲಂಬೋದರನಿಗೆ
ಚಂದ್ರಗೆ ಶಾಪವನಿತ್ತವರ |
ನಂಜನಗೂಡಲ್ಲಿ ನೆಲೆಯಾಗಿ ನೆಲೆಸಿರುವ
ನಂಜುಂಡೇಶ್ವರನಾ ವರಪುತ್ರಗೇ ||
ಮೂಷಕವಾಹನ ಮೋದಕಪ್ರಿಯನಿಗೆ
ದೇಶವನ್ನೆಲ್ಲಾ ಸಲಹುವರೇ |
ಈಶ್ವರನಾಪುತ್ರ ಪಾಶಾಂಕುಶನಿಗೆ
ಜಾತಿಮಾಣಿಕದಾರತಿ ಎತ್ತಿರೇ ||
ಸಿದ್ಧಿದಾಯಕನಿಗೆ ಬುದ್ಧಿಪ್ರದಾಯಕಗೆ
ವಿದ್ಯೆಗಳೆಲ್ಲವ ಕೊಡುವವಗೆ |
ಮುದ್ದು ಮುಖದ ಶ್ರೀ ಸೊಂಡಿಲ ಗಣಪಗೆ
ವಜ್ರ ಮಾಣಿಕದಾರತಿ ಎತ್ತಿರೇ ||
0 ಕಾಮೆಂಟ್‌ಗಳು