|| ಶಿವಸ್ತುತಿ ||
ರಾಗ : ಶಂಕರಾಭರಣ
ತಾಳ : ಅಟತಾಳ
ನಂಜುಂಡಾ ನಮ್ಮ ಗುರು | ನಂಜುಂಡ ||ಪ||
ನಂಜುಂಡಾ ನತಜನಪಾಲ | ಭವ।
ಭಂಜನ ಕರುಣಾಲವಾಲ ಆಹಾ ||
ಆಂಜನೇಯನ ಪ್ರಿಯಾ ಅಂಜಲಿಮುಗಿವೆನು |
ಕಂಜನಾಭನ ಪಾದ ಕಂಜವಿಸೋ ||ಅ.ಪ||
ರಕ್ಕಸಾಂತಕ ದೇವ ಬಿರುದಾ ಕರಿ||
ತೊಕ್ಕನುಟ್ಟಿ ಚಂದ್ರಶಿರದಾ ||ಮುನಿ।।
ಮಾರ್ಕಂಡೇಯರಿಗೆ ಆಯುವರದಾ | ದೇ।।
ವರ್ಕಳೀಗಭೀಷ್ಟೆಯಗರೆದಾ||ಆಹಾ ||
ಹೊಕ್ಕಳೂವಿನ ವಿಷ್ಣುಭಕ್ತಿಯ ಎನಗಿತ್ತು ||
ಚೊಕ್ಕಚಿತ್ತನ ಮಾಡೋ ಮುಕ್ಕಣ್ಣ ಮಹದೇವ||೧||
ಇಂದ್ರಾದಿ ಸುರಮುನಿ ವಂದ್ಯ ಪಾದ |
ಕೆಂದಾವರೆಯ ಗುಣಸಾಂದ್ರ | ಅಜ- |
ನಂದನ ಸತತ ಆನಂದ ||
ಗುರು ಗಂಧವಾಹನನ ಕಂದಾ || ಆಹಾ |
ವಂದಿಸುವೆನು ಮನ ಮಂದಿರದಲ್ಲಿ ರಾಮ
ಚಂದ್ರನ ನೋಡುವ ಆನಂದ ಭಾಗ್ಯವನೀಯೋ||೨||
ವಿಷಕಂಧರನೆ ವೀತಭಯನೇ | ವರ |
ವೃಷಕೇತು ವೈಷ್ಣವೋತ್ತಮನೆ | ನಮ್ಮ|
ಶಶಿಮುಖ ಗೌರಿನಾಯಕನೆ | ನಿನಗೆ ||
ನಮಿಸುವೆ ಕರುಣಾಳು ಶಿವನೆ || ಆಹಾ ||
ಭಸಿತಭೂಷಿತವಾದ ಶಶಿಸಭಾಂಗನೆ |
ನಸುನಗೆಯ ಮುಖವ ತೋರಿಸೊ ಶಂಕರನೆ ||೩||
ಮನಸಿನ ಚಾಪಲ್ಯ ಬಿಡಿಸೋ | ಮಧ್ವ
ಮುನಿ ಕೃಪಾ ಕವಚವ ತೊಡಿಸೊ| ಕ್ಷಣ।
ಕ್ಷಣದಲಿ ಹರಿನಾಮ ನುಡಿಸೋ | ದಿವ್ಯ |
ಘನ ವೈರಾಗ್ಯಭಾಗ್ಯ ಉಣಿಸೋ ||ಆಹಾ||
ಕನಸು ಮನಸಿನಲಿ ಹರಿ ರೂಪ ಗುಣ ಕ್ರಿಯೆ |
ನೆನವಿತ್ತು ಸಂತೈಸು ಅಗಜೆಗಾನಂದವೀವನೆ ||೪||
ಮುನಿವೇಷವನು ತಾಳಿ ನೃಪಗೆ | ಶ್ರೀ ವಿಷ್ಣು
ವಿನ ಕಥೆ ಅರುಹಿದ ಸದ್ಗತಿಗೆ | ಮಾರ್ಗ-
ವನೆಮಾಡಿ ಸಲಹಿದೆ ಕೊನೆಗೆ | ಕ।
ರುಣಿಗಳೋಳು ಎಣೆಯಾರೋ ನಿನಗೆ ||ಆಹಾ||
ಗುಣನಿಧಿ ಬಾದರಾಯಣ ವಿಠಲನ ಧ್ಯಾನ |
ನೆನವಿತ್ತು ಸಂತೈಸು ಗಣಪ ಷಣ್ಮುಖರಯ್ಯ ||೫||
0 ಕಾಮೆಂಟ್‌ಗಳು