|| ಶಿವಸ್ತುತಿ ||
ರಚನೆ : ಕನಕದಾಸರು
ಶಿವ ಶಿವ ಶಿವ ಎನ್ನಿರೊ – ಮೂಜಗದವರೆಲ್ಲ
ಶಿವ ಶಿವ ಶಿವ ಎನ್ನಿರೊll
ಆಗಮ ಸಿದ್ಧಾಂತ ಮೂಲದ ಜಪವಿದು
ಶಿವಶಿವಶಿವ ನಿಮ್ಮರೋಗದ ಮೂಲವ ಕೆಡಿಪ
ಔಷಧವಿದು ಶಿವಶಿವಶಿವ ಎನ್ನಿರೊ ||ಪ||
ಮನುಜ ಜನ್ಮದಿ ಮೈಮರೆದಿರಬೇಡಿ ಶಿವಶಿವಶಿವ
ತನುಮನ ಪ್ರಾಣವ ವ್ಯರ್ಥವ ಮಾಡದೆ
ಶಿವಶಿವಶಿವ ಅಪರಾಧದಕೋಟಿ ತ್ಯಜಿಸಬೇಕಾದರೆ
ಶಿವಶಿವಶಿವ ಮುಂದೆ ಉಪಮಿತರೋರ್ಮಿತರರಿಯದ
ಜಪವಿದು ಶಿವಶಿವಶಿವ ಎನ್ನಿರೊll೧||
ಜವನ ಬಾಧೆಯ ನೀವು ಜಯಿಸಬೇಕಾದರೆ
ಶಿವಶಿವಶಿವ ಸುವಿಮಲ ಮುಕ್ತಿಯ
ಪಡೆಯಬೇಕಾದರೆ ಶಿವಶಿವಶಿವ
ಭುವನಕೆ ಬಲ್ಲಿದರಾಗಬೇಕಾದರೆ ಶಿವಶಿವಶಿವ
ಭವನ ಪದವಿಯನು ಪಡೆಯಬೇಕಾದರೆ
ಶಿವಶಿವಶಿವ ಎನ್ನಿರೊ ||೨||
ಗುರುಲಿಂಗ ಜಂಗಮವ ಅರಿಯಬೇಕಾದರೆ ಶಿವಶಿವಶಿವ
ಪರಮಾತ್ಮನ ನೀವು ತಿಳಿಯಬೇಕಾದರೆ ಶಿವಶಿವಶಿವ
ಪೃಥ್ವಿಗೆ ಸದ್ಗುರುವಾಗಬೇಕಾದರೆ ಶಿವಶಿವಶಿವ
ಆದಿಕೇಶವನ ಕೂಡಬೇಕಾದರೆ
ಶಿವಶಿವಶಿವ ಎನ್ನಿರೊ ||೩||
0 ಕಾಮೆಂಟ್‌ಗಳು