|| ಶ್ರೀ ಮಾರ್ಗಬಂಧು ಸ್ತೋತ್ರಂ ||
ಶಂಭೋ ಮಹಾದೇವ ದೇವ ಶಿವ
ಶಂಭೋ ಮಹಾದೇವ ದೇವೇಶ ಶಂಭೋ
ಶಂಭೋ ಮಹಾದೇವ ದೇವ ||
ಫಾಲಾವನಮ್ರತ್ಕಿರೀಟಂ
ಫಾಲನೇತ್ರಾರ್ಚಿಷಾ ದಗ್ಧಪಂಚೇಷುಕೀಟಮ್ |
ಶೂಲಾಹತಾರಾತಿಕೂಟಂ ಶುದ್ಧಮರ್ಧೇಂದುಚೂಡಂ
ಭಜೇ ಮಾರ್ಗಬಂಧುಮ್ |
ಶಂಭೊ ಮಹಾದೇವ ದೇವ ||
ಅಂಗೆ ವಿರಾಜದ್ಭುಜಂಗಂ
ಅಭ್ರಗಂಗಾತರಂಗಾಭಿರಾಮೋತ್ತಮಾಂಗಂ |
ಓಂಕಾರವಾಟೀಕುರಂಗಂ ಸಿದ್ಧ ಸಂಸೇವಿತಾಂಘ್ರಿಂ
ಭಜೇ ಮಾರ್ಗಬಂಧುಮ್ |
ಶಂಭೊ ಮಹಾದೇವ ದೇವ ||
ನಿತ್ಯಂ ಚಿದಾನಂದರೂಪಂ
ನಿಹ್ನುತಾಶೇಷಲೋಕೇಶವೈರಿಪ್ರತಾಪಂ |
ಕಾರ್ತಸ್ವರಾಗೇಂದ್ರಚಾಪಂ ಕೃತ್ತಿವಾಸಂ
ಭಜೇ ದಿವ್ಯಸನ್ಮಾರ್ಗಬಂಧುಂ |
ಶಂಭೊ ಮಹಾದೇವ ದೇವ ||
ಕಂದರ್ಪದರ್ಪಘ್ನಮೀಶಂ ಕಾಲಕಂಠಂ
ಮಹೇಶಂ ಮಹಾವ್ಯೋಮಕೇಶಂ |
ಕುಂದಾಭದಂತಂ ಸುರೇಶಂ ಕೋಟಿಸೂರ್ಯಪ್ರಕಾಶಂ
ಭಜೇ ಮಾರ್ಗಬಂಧುಂ ||
ಶಂಭೊ ಮಹಾದೇವ ದೇವ ||
ಮಂದಾರಭೂತೇರುದಾರಂ ಮಂದರಾಗೇಂದ್ರಸಾರಂ
ಮಹಾಗೌರ್ಯದೂರಂ |
ಸಿಂದೂರದೂರಪ್ರಚಾರಂ ಸಿಂಧುರಾಜಾತಿಧೀರಂ
ಭಜೇ ಮಾರ್ಗಬಂಧುಂ |
ಶಂಭೊ ಮಹಾದೇವ ದೇವ ||
ಅಪ್ಪಯ್ಯಯಜ್ವೇಂದ್ರ ಗೀತಂ ಸ್ತೋತ್ರರಾಜಂ
ಪಠೇದ್ಯಸ್ತು ಭಕ್ತ್ಯಾ ಪ್ರಯಾಣೆ |
ತಸ್ಯಾರ್ಥಸಿದ್ಧಿಂ ವಿಧತ್ತೆ ಮಾರ್ಗಮಧ್ಯೇಭಯಂ
ಚಾಶುತೋಷೋ ಮಹೇಶಃ |
ಶಂಭೋ ಮಹಾದೇವ ದೇವ ಶಿವ
ಶಂಭೋ ಮಹಾದೇವ ದೇವೇಶ ಶಂಭೋ
ಶಂಭೋ ಮಹಾದೇವ ದೇವ ||
|| ಇತಿ ಅಪ್ಪಯ್ಯ ದೀಕ್ಷಿತಪ್ರಣೀತಂ ಶ್ರೀಮಾರ್ಗಬಂಧುಸ್ತೋತ್ರಂ ಸಂಪೂರ್ಣಂ ||
0 ಕಾಮೆಂಟ್‌ಗಳು