ಭಜಿಸುವ ಗಜಮುಖ ದೇವನ - Bhajisuva Gajamukha Devana

|| ಗಣಪತಿ ಸ್ತುತಿ||

ಭಜಿಸುವ ಗಜಮುಖ ದೇವನ |

ಅಜ ಸುರ ಮನು ಮುನಿ ವಂದ್ಯನ ||

ಗಜ ಚರ್ಮಾಂಬರ ಧರ ಸುತ ಗಣಪನ |

ಸುಜನೋದ್ಧಾರ ಗಣೇಶನ ||

ಸಾಂಬ ಶಿವನ ವರ ಕಂದನಾ |

ತುಂಬುರು ನಾರದ ಸೇವನಾ |

ಬೆಂಬಿಡದನುದಿನ ಭಜಕರ ಕರುಣದಿ |

ಸಂಭ್ರಮದಲಿ ಪೊರೆವಾತನ |

ದಶಭುಜ ಧರಿಸಿದ ದೇವನಾ |

ಪಶುಪತಿ ಈಶ ಕುಮಾರನಾ |

ವಸುಧೆಯೊಳಧಿಕ ಕುಟಚಾದ್ರಿ ಪುರದೊಳು |

ಕುಶಲದಿ ನೆಲೆಸಿದ ದೇವನಾ |

ಹೇರಂಬ ಮೊರೆಯಾ ಸಿದ್ದಿ ಬುದ್ಧಿ ರಮಣ |

ಗಣೇಶ ವಕ್ರತುಂಡ ಅಖಂಡ ಭಜನಾ ||