|| ಶಾರದಾ ಸ್ತುತಿ ||
ರಾಗ : ಸಾರಮತೀ
ತಾಳ : ಖಂಡಛಾಪು
ಶ್ರೀಶಾರದಾಂಬಾಂ ಭಜೇ ಶ್ರಿತಕಲ್ಪವಲ್ಲೀಮ್ |
ಕಾರುಣ್ಯವಾರಾಂನಿಧಿಂ ಕಲಿಕಲ್ಮಷಘ್ನೀಮ್||
ಇಂದ್ರಾದಿದೇವಾರ್ಚ್ಯಪಾದಾಂಬುಜಾತಾಮ್ |
ಈಶಿತ್ವಮುಖ್ಯಾಷ್ಟಸಿದ್ಧಿಪ್ರದಾತ್ರೀಮ್ ||
ಊಹಾಪಥಾತೀತಮಾಹಾತ್ಮ್ಯಯುಕ್ತಾಮ್ |
ಮೋಹಾಂಧಕಾರಾಪಹಸ್ವಾಭಿಧಾನಾಮ್ ||
ಶ್ರೀಶಂಕರಾಚಾರ್ಯ ಸಂಸೇವಿತಾಂಘ್ರಿಂ |
ಶ್ರೀಶೃಂಗಗಿರ್ಯಾಖ್ಯಪುರ್ಯಾಂ ವಸಂತೀಮ್ ||
ಶ್ರೀವಾಗ್ವಿಭೂತ್ಯಾದಿ ದಾನಪ್ರವೀಣಾಮ್ |
ಶ್ರೀಭಾರತೀತೀರ್ಥ ಹೃತ್ಪದ್ಮವಾಸಾಮ್ ||
ನಾಮಾವಳಿ :
ಶಂಕರ ಪೂಜಿತೇ ಶಾರದೇ ಶರ್ವಸಹೋದರಿ ಶಾರದೇ
ಅಭೀಷ್ಟವರದೇ ಶಾರದೇ ಅದ್ಭುತಚರಿತೇ ಶಾರದೇ
ಶೃಂಗಗಿರಿಸ್ಥೇ ಶಾರದೇ ಶ್ರುತಿಪ್ರತಿಪಾದ್ಯ ಶಾರದೇ
ಮಂಗಲದಾಯಿನಿ ಶಾರದೇ ಸಂಗೀತಪ್ರಿಯೇ ಶಾರದೇ
ಕಾಮಿತ ವರದೇ ಶಾರದೆ ಕೋಮಲ ಚರಣೆ ಶಾರದೆ
0 ಕಾಮೆಂಟ್‌ಗಳು