|| ಶಿವ ಭಜನೆ ||
ನಮಃ ಪಾರ್ವತಿ ಪತಿನುತ ಜನಪರ
ನಮೋ ವಿರೂಪಾಕ್ಷ ||ಪ||
ರಮಾರಮಣನಲ್ಲಮಲ ಭಕುತಿ ಕೊಡು
ನಮೋ ವಿಶಾಲಾಕ್ಷ ||ಅಪ||
ನೀಲಕಂಠ ತ್ರಿಶೂಲ ಢಮರು ಹಸ್ತಾಲಂಕೃತ ರಕ್ಷಾ |
ಫಾಲನೇತ್ರ ಕಪಾಲ ರುಂಡಮಣಿ ಮಾಲಾದೃತ ವಕ್ಷಾ |
ಶೀಲರಮ್ಯ ವಿಶಾಲ ಸುಗುಣ ಸಲ್ಲೀಲ ಸುರಾಧ್ಯಕ್ಷ |
ಶ್ರೀಲಕುಮೀಶನ ಓಲೈಸುವ ಭಕ್ತಾವಳಿಗಳ ಪಕ್ಷ ||೧||
ವಾಸವನುತ ಹರಿದಾಸ ಈಶ ಕೈಲಾಸವಾಸ ದೇವ |
ದಾಶರಥಿಯ ಔಪಾಸಕ ಸುಜನರ ಪೋಷಿಪ ಪ್ರಭಾವ
ಭಾಷಿಸುತಿಹೆ ಅಸತ್ವ ಜೀವರಿಗೆ ಈಶನೆಂಬ ಭಾವ |
ಶ್ರೀಶನಲ್ಲಿ ಕೀಲಿಸು ಮನವ ಗಿರಿಜೇಶ ಮಹಾದೇವ ||೨||
ಮೃತ್ಯುಂಜಯ ನಿನ್ನುತ್ತಮ ಪದಯುಗ ನೃತ್ಯನೋ ಸರ್ವತ್ರ |
ಹತ್ತಿರ ಕರೆದು ಅಪತ್ಯನಂತೆ ಪೊರೆಯುತ್ತಿರೋ ತ್ರಿನೇತ್ರ ||
ತೆತ್ತಿಗನಂತೆ ಕಾಯುತ್ತಿಹೆ ಬಾಣದ ಸತ್ಯದಿ ಸುಚರಿತ್ರ |
ಕರ್ತೃ ಉಡುಪಿ ಸರ್ವೋತ್ತಮ ಶ್ರೀ ಕೃಷ್ಣನ ಪೌತ್ರ ಕೃಪಾಪಾತ್ರ ||೩||
0 ಕಾಮೆಂಟ್ಗಳು