|| ಹರಿ ಸ್ತುತಿ ||
ಒಂದು ಪ್ರಾರ್ಥಿಸಲು ನೂರೊಂದು ಕೊಟ್ಟೆಯೋ
ದೇವ ತಂದೆ ನಿನ್ನ ಕರುಣವೆಂದೆಂದಿಗೂ ಇರಲಿ ||ಪ||
ಇಂದು ನೀನಿತ್ತ ನೂರೊಂದು ನಿನ್ನಯ ಪಾದ |
ದ್ವಂದ್ವಗರ್ಪಿಸುವೆ ನಿನ್ನಯ ಸೇವೆ ಎಂದೆನುತ ||ಅ.ಪ||
ನಿನ್ನ ಮೂರ್ತಿಯ ನೋಡಿ ನಿನ್ನ ಸ್ತುತಿಯನೆ ಮಾಡಿ
ನಿನ್ನ ಕರದಲಿ ಪಿಡಿದು ಪುಣ್ಯಗಳಿಸಿದೆನೋ
ನಿನ್ನ ಸುಂದರ ರೂಪ ಸತತ ಹೃದಯದಿ ಪೊತ್ತು
ಧನ್ಯನಾಗಿರುವೆನಿನ್ನೇನು ಬೇಕಿಹುದೆನಗೆ ||೧||
ನಿಟ್ಟುಸಿರು ಬಿಡಿಸಿದೆಯೋ ಹೊಟ್ಟೆಯನು ಸುಡಿಸಿದೆಯೋ
ಕಟ್ಟಕಡೆಯಲಿ ಕರವನೆತ್ತಿ ಮೇಲೆತ್ತಿದೆಯೋ
ಕಟ್ಟುಬಣ್ಣವಿದಲ್ಲ ಸುಟ್ಟರಿದು ಪೋಗದು
ಘಟ್ಟಿಯಾಯಿತು ಎನ್ನ ಪ್ರೇಮ ನಿನ್ನೊಳಗೆ ||೨||
ಕೆಸರಿನಲ್ಲಿ ಕಂಬದಂತಿದ್ದ ಎನ್ನಯ ಸ್ಥಿತಿಯು
ಕುಸಿಯಲಿಲ್ಲವೋ ದೇವ ಶಶಿಕುಲ ಪ್ರಸನ್ನ
ಹೊಸತಾದ ಚೈತನ್ಯ ಎನಗೆ ವಿಕಸಿತವಾಯ್ತು
ಉಸಿರಿರುವ ತನಕ ನಾ ಮರೆವುದಿಲ್ಲವೋ ನಿನ್ನ ||೩||
0 ಕಾಮೆಂಟ್‌ಗಳು