||ಪಾರ್ವತಿ ಸ್ತುತಿ ||
ರಾಗಮಾಲಿಕೆ ಕೃತಿ
ರಾಗ: ಆನಂದಭೈರವಿ
ಪರಶಿವ ಸತಿ ನಿನ್ನ ಪಾದವ ನಂಬಿದೆ||
ಕರುಣದಿ ಕಾಪಾಡಮ್ಮಾ ದೇವಿ||ಪ ||
ಪರಿ ಪರಿ ವಿಧದಿ ನಿನ್ನ ಭಕ್ತರು ಪೊಗಳಲು
ಅರಿಯದ ನಾ ನಿನ್ನ ಏನೆಂದು ಪೊಗಳಲಮ್ಮ||ಅ. ಪ.||
ನೀನೀ ಸಮಯದಿ ಮರೆತೆಯಾದರೆ
ನಾನೀ ಜಗದೊಳು ಯಾರನು ಪೇಳಲಿ
ಏನಿದು ಈ ಮೌನ ದೀನಳ ಪೊರೆಯಳು||
||೧||
ಆನಂದ ಭೈರವಿ ಆದರ ತೋರಮ್ಮ
ರಾಗ: ಕಲ್ಯಾಣಿ
ಎಲ್ಲಾ ದುರಿತಗಳು ಗಿರಿಗಳಂತಿದ್ದರು||
ಹುಲ್ಲಾಗುವುದು ನಿನ್ನ ಕಣ್ಣೋಟದಿ ||
ಕಲ್ಯಾಣಿಯೇ ಕರುಣಾಕರಿ ಶಿವೇ ||
ಉಲ್ಲಾಸಿಯೇ ಉಮೇ ನಿನ್ನ ನಂಬಿದೆ ನಮ್ಮ||೨||
ರಾಗ: ಬಾಗೇಶ್ರೀ
ನಾಗೇಶ್ವರಿ ಎಂದು ನಮಿಸುವೆ ತಾಯೆ||
ಭಾಗೇಶ್ವರಿ ತಾಯೆ ಬಂದಿಂದು ಕೃಪೆ ತೋರು||
ಭಾಗೇಶ್ವರಿ ತಾಯೆ ಪಾರ್ವತಿಯೇ ಅಮ್ಮ||
ಲೋಕೇಶ್ವರಿ ನೀನೇ ರಕ್ಷಿಸ ಬೇಕಮ್ಮ||೩||
ರಾಗ: ರಂಜನಿ
ಅಂಜನ ಲೋಚನೆ ಅಂಬಿಕೆ ಶಿವೆಯೇ||
ಕುಂಜರ ಮುಖ ಮಾತೆ ಮಂಗಳ ದಾತೇ||
ಅಂಜುತ ಬಂದಿಹೆ ಆಶ್ರಯ ಬಯಸಿ||
ರಂಜನಿಯೇ ಎನ್ನ ರಕ್ಷಿಸ ಬೇಕಮ್ಮ||೪||
0 ಕಾಮೆಂಟ್‌ಗಳು