|| ಕೃಷ್ಣ ಸ್ತುತಿ ||
ರಚನೆ : ಪುರಂದರದಾಸರು
ಕೃಷ್ಣಬಾರೋ ಕೃಷ್ಣಬಾರೋ
ಕೃಷ್ಣಯ್ಯ ನೀ ಬಾರೆಯ್ಯ ||ಪ||
ಸಣ್ಣ ಹೆಜ್ಜೆಯ ನಿಟ್ಟು ಗೆಜ್ಜೆನಾದಗಳಿಂದಾ ||ಅ. ಪ||
ಸುರುಳು ಕೇಶಗಳ ಅಲೆಯುವ ಅಂದ|
ಭರತ ಕಸ್ತೂರಿ ತಿಲಕವೆ ಚಂದಾ|
ಶಿರದಿ ಒಪ್ಪುವ ನವಿಲು ಕಂಗಳಿಂದಾ |
ತರತರಾ ಆಭರಣವಾ ಧರಿಸಿ ನೀ ಬಾರೆಯ್ಯಾ ||೧||
ಮನ್ಮಥ ಜನಕನೆ ಬೇಗನೆ ಬಾರೋ|
ಕಮಲಾಪತಿ ನೀ ಬಾರೋ|
ಅಮಿತ ಪರಾಕ್ರಮ ಶಂಕರ ಬಾರೋ|
ಕಮನೀಯ ಗಾತ್ರನೇ ಬಾರಯ್ಯ ದೊರೆಯೇ ||೨||
ಹಾಲು ಬೆಣ್ಣೆಗಳ ಕೈಯಲ್ಲಿ ಕೊಡುವೆ
ಮೇಲಾದ ಭಕ್ಷಗಳ ಮುಚ್ಚಿಟ್ಟು ತರುವೆ ||
ಜಾಲ ಮಾರ್ಗದಲಿ ಬಾರಯ್ಯ ದೊರೆಯೆ|
ಬಾಲ ಎನ್ನ ತಂದೆ ಪುರಂದರ ವಿಠಲ ||೩||
0 ಕಾಮೆಂಟ್‌ಗಳು