|| ಮಾಧವ ಸ್ತುತಿ ||
ಯಾದವ ನೀ ಬಾ ಯದುಕುಲನಂದನ
ಮಾಧವ ಮಧುಸೂದನ ಬಾರೋ||
ಸೋದರಮಾವನ ಮಥುರೆಲಿ ಮಡುಹಿದ
ಯಶೋದಾಕಂದ ನೀ ಬಾರೋ||
ಕಣಕಾಲಂದುಗೆ ಘುಲುಘುಲುರೆನುತಲಿ
ಝಣಝಣ ವೇಣುನಿನಾದದಲಿ|
ಚಿಣ್ಣಿಕೋಲು ಚೆಂಡು ಬುಗುರಿಯನಾಡುತ
ಸಣ್ಣವರೊಡಗೂಡಿ ನೀ ಬಾರೋ||
ಶಂಖ ಚಕ್ರವು ಕೈಯಲಿ ಹೊಳೆಯುತ
ಬಿಂಕದ ಗೋವಳ ನೀ ಬಾರೋ|
ಅಕಳಂಕ ಚರಿತನೆ ಆದಿನಾರಾಯಣ
ಬೇಕೆಂಬ ಬಕ್ತರಿಗೊಲಿ ಬಾರೋ||
ಖಗವಾಹನನೆ ಬಗೆಬಗೆರೂಪನೆ
ನಗೆಮೊಗದರಸನೆ ನೀ ಬಾರೋ|
ಜಗದೊಳು ನಿನ್ನಯ ಮಹಿಮೆಯ ಪೊಗಳುವೆ
ಪುರಂದರವಿಟ್ಠಲ ನೀ ಬಾರೋ||
0 ಕಾಮೆಂಟ್‌ಗಳು