|| ಪಾರ್ವತಿ ಸ್ತುತಿ ||
ಪಾಲಿಸಮ್ಮ ಮುದ್ದು ಪಾರ್ವತಿ |
ಪರಿಪಾಲಿಸೆಮ್ಮ ಶಿವಶಂಕರೀ |
ಪಾಲಿಸು ಸ್ವರ್ಣಗೌರಿ ಪಾಲಿಸು ಮಂಗಳಗೌರಿ |
ಪಾಲಿಸು ಸಿರಿಗೌರಿ ಪಾಲಿಸು ಚೈತ್ರಗೌರಿ ||೧||
ಶಿವನ ಪಟ್ಟದ ರಾಣಿ ಮನದ ಅಭಿಮಾನಿ |
ಶಿವ ಕಾಮ ಸುಂದರಿ ಅರ್ಧನಾರೀಶ್ವರಿ |
ಪಾಂಡ್ಯ ಭೂಪಾಲ ಪುತ್ರಿ ಪರ್ವತ ರಾಜಕುಮಾರಿ |
ಪಾರ್ವತಿ ದಿವಸಿ ಗೌರಿ ತ್ರಿಪುರ ಸುಂದರಿ ಮಾತೆ ||೨||
ಕಂಚಿ ಕಾಮಾಕ್ಷಿ ಮಧುರೆ ಮೀನಾಕ್ಷಿ |
ಕಾಶಿ ವಿಶಾಲಾಕ್ಷಿ, ಕಾತ್ಯಾಯಿನಿಗೌರಿ |
ನೀಲಕಂಠನ ರಾಣಿ ನಿಗಮಗೋಚರವಾಣಿ |
ನಿತ್ಯ ಕಲ್ಯಾಣಿ ದೀನರಕ್ಷಣಿ ಗೌರಿ ||೩||
ರಾಜರಾಜೇಶ್ವರಿ ಲಲಿತಾಂಬೆ ಭ್ರಮರಾಂಬೆ |
ಕಾಳಿ ಭವಾನಿ ಕನ್ಯಾಕುಮಾರಿ |
ಅಖಿಲಾಂಡೇಶ್ವರಿ ಉಮಾ ಮಹೇಶ್ವರಿ |
ಅನ್ನಪೂರ್ಣೆ ಮಾತೆ ಸರ್ವಮಂಗಳ ದೇವಿ ||೪||
0 ಕಾಮೆಂಟ್‌ಗಳು