|| ಗೌರಿ ಹಾಡು ||
ಪೂಜೆ ಮಾಡೋಣ ಬನ್ನಿರೇ|ಗೌರಮ್ಮನ|
ಪೂಜೆ ಮಾಡೋಣ ಬನ್ನಿರೇ ||ಪ||
ಪೂಜೆ ಮಾಡೋಣ ಬನ್ನಿ ಮೂಜರ್ಗ ಜನನಿಯ |
ರಾಜರಾಜೇಶ್ವರಿ ಎನಿಸೋ ಗೌರಮ್ಮನ ||ಅ, ಪ,||
ಊರು ಶೃಂಗಾರವಾಗಲೀ| ಗೌರಮ್ಮಂಗೆ|
ತೋರಣಂಗಳ ಕಟ್ಟಲೀ|
ಭಾಮೆ ಗೌರಮ್ಮನು ಬರುವ ಸಮಯದಲ್ಲಿ|
ಕಾಯಿ ಒಡೆದು ಕದಲಾರತಿ ಮಾಡಿರೆ ||೧||
ಸಾಲು ದೀಪಗಳ ಹಚ್ಚಿ ನಾರಿಯರೆಲ್ಲಾ|
ಗಂಧದ ಕಡ್ಡಿ ಹಚ್ಚಿ |
ಮೇಲು ತುಪ್ಪದ ದೀಪ ಧೂಪಾರತಿ ಮಾಡಿ|
ಗಂಗೆಯ ಸಹಿತಲಿ ಅಲಂಕಾರ ಮಾಡುತಾ ||೨||
ಗಂಧಾಕ್ಷತೆ ಪುಷ್ಪವು | ಗೆಜ್ಜೆ ವಸ್ತ್ರ|
ಚಂದದ ಅರಸಿನ ಕುಂಕುಮ ಚಂದ್ರ |
ಅಂದದಿ ಕರಿಮಣಿ ಬಳೆ ಬಿಚ್ಚೋಲೆ ಇಟ್ಟು |
ಮಂದಾರ ಮಲ್ಲಿಗೆ ಹಾರವನ್ ಹಾಕುತ್ತ ||೩||
ಚ್ಚಿತ್ರಾನ್ನ ಮಧುರಾನ್ನವೂ | ಕಲಸಿದ ಅನ್ನ |
ನಾನಾ ಬಗೆಯ ಭಕ್ಷವೂ |
ಕತ್ತರಿಸಿದ ಅಡಕೆ ಬಿಳಿ ಎಲೆ ಯಾಲಕ್ಕಿ |
ಕಸ್ತೂರಿ ಬೆರೆಸಿದ ಮುತ್ತಿನ ಸುಣ್ಣವನ್ನಿಟ್ಟು ||೪||
ಶಾಲ್ಯಾನ್ನ ಭಕ್ಷವೂ | ಶುದ್ಧೋದಕ |
ಆಚಮನ್ಯವ ಮಾಡಿ |
ಸಾಸಿರ ನಾಮವ ಪಾಡಿ ಮಂಗಳಾರತಿ ಎತ್ತಿ |
ವರಗಳ ಬೇಡುವೆ ಸ್ವರ್ಣ ಗೌರಿಯ ನಾ ||೫||
0 ಕಾಮೆಂಟ್‌ಗಳು