ಅಂಗನಾಮಣಿ ರಂಗನರಾಣಿ -

|| ಲಕ್ಷ್ಮಿ ಹಾಡು ||

ಅಂಗನಾಮಣಿ ರಂಗನರಾಣಿ

ಮಂಗಳೆ ಪದಂಗಳಿಗೆರಗುವೆ ||

ಸುರಾಸುರರು ಮಂದರಾಚಲ ಕಡೆಯುತ

ಸುರಸುಧೆ ಅರಸಿ ತಿರುಗುತ ಇರಲು

ಹರಿಯರಸಿ ಸುರಸಾಗರನುದರದಿ

ಸಿರಿದೇವಿ ನೀ ಧರೆಗಿರಿಸಿದಿ ಪದ. ||೧||

ಮುನಿಸಿಕೊಂಡು ಭೃಗುಮುನಿಯ ಪರೀಕ್ಷೆಗೆ

ಇನಿಯನ ತೊರೆದು ಧರಣಿಗಿಳಿದ ಘೃಣಿ

ಘನತರತಪಕೆ ನಿಲುಕದ ಹರಿಯಾ

ಸನಿಹ ತಂದು ತೋರಿದೆ ತ್ರಿವೇಣಿ ||೨||

ಮನ್ನಿಸಿ ಸಲಹುವ ಪ್ರಪನ್ನಭಕುತರಾ

ಧೀನನಾದ ನಿನ್ನ ಪತಿಯಾರಾಧನಗೆ

ಸನ್ನುತ ಸುಮನಸ ನೀಡಿ ಪೊರೆಯಮ್ಮ

ಘನ್ನಮಹಿಮ ಪ್ರಸನ್ನವೆಂಕಟರಾಣಿ ನಾರೀ ಶಿರೋಮಣಿ ||೩||