|| ಶ್ರೀರಾಮ ಭಜನೆ ||
ಧನು ಮುರಿದ ಶ್ರೀ ರಾಮ |
ಶೌರ್ಯವನೇ ತಾ ತೋರಿ ||ಪ||
ಜನಕನಾ ಸಭೆಯಲ್ಲಿ ಜಾನಕಿಯ ಮನಸೆಳೆದು||ಅ.ಪ||
ವಸುಧೀಶರೆಲ್ಲರು ಹಸಗೆಟ್ಟು ಕುಳಿತಿರಲು
ದಶಕಂಠ ಧನುವತ್ತಿ ಬಸವಳಿದು ಬಿದ್ದ ||
ಪಸರಿಸಿತು ಹಾಸ್ಯ ಧ್ವನಿ ನೆರೆದ ಸಭೆಯೊಳಗೆಲ್ಲ |
ನಸುನಕ್ಕು ವಿಶ್ವಾಮಿತ್ರ ರಾಮನೆಬ್ಬಿಸಿದ ||೧||
ಶ್ಯಾಮಸುಂದರನೆದ್ದು ಪ್ರೇಮದಿಂದ ಮುನಿಗೆರಿಗಿ |
ಆ ಮಹಾ ಧನುವಿದ್ದ ಸ್ಥಳಕೆ ತಾ ಬಂದ ||
ಕೋಮಲ ಕರಗಳಿಂದ ಧನುವೆತ್ತಿ ತಾ ಪಿಡಿದ |
ಸಾಮರ್ಥ್ಯದಿಂದಳದ ಧನು ಮುರಿದು ಎರಡಾಯ್ತು ||೨||
ಜಯವಾಯ್ತು ರಾಮಗೆಂದು ಜಯಬೇರಿ ಮೊಳಗಲು |
ಜಯ ಜಯ ಜಯವೆಂದು ಸುರರು ಹೂವ ಮಳೆಗೆರೆದು ||
ಜಯಮಾಲೆ ಹಾಕಿದಳು ಜಾನಕಿಯು ಓಡಿ ಬಂದು |
ಜಯ ಪಡೆದು ನಿಂತಿಹ ಪುರಂದರ ವಿಠಲ ||೩||
0 ಕಾಮೆಂಟ್‌ಗಳು