|| ಶ್ರೀರಾಮ ಭಜನೆ ||
ರಾಗ - ಪಂತುವರಾಳಿ
ತಾಳ : ಅಟ್ಟ ತಾಳ
ನಿನ್ನ ನಾಮವಿದ್ದರೆ ಸಾಕೊ ||ಪ||
ಮುನಿದರೆ ಮುನಿ ನಿನ್ನಾಣೆ ಶ್ರೀರಾಮ||ಅ.ಪ||
ಹೊದ್ದಿದ ಪಾಪವನೆಲ್ಲ | ಛಿನ್ನ
ಛಿದ್ರವ ಮಾಡಿ ಖಂಡಿಸಿ ಬಿಡುವ
ಎದ್ದರೆ ಸಂಗಡ ಬರುವ | ಎನ್ನ
ಮುದ್ದಿಸಿ ಮುಂದಕೆ ಮುಕ್ತಿಯ ಕೊಡುವ ||೧||
ಸಾರೆ ಸಂಗಡ ಬರುವ | ಎನ್ನ
ಸೇರಿದ ಪಾಪವ ಕೋಪದಿ ತರಿವ |
ಝಾಡಿಸಿ ಕರ್ಮವ ಕಳೆವ | ಎನ್ನ
ಕೂಡಿಕೊಂಡು ವೈಕುಂಠಕ್ಕೆ ನಡೆವ ||೨||
ಪರಮಾನಂದವವೀವ | ನಿನ್ನ
ಸ್ಮರಣೆಯೆಂಬುದು ಎನ್ನ ಜೀವಕ್ಕೆ ಜೀವ
ವರವ ಕೊಡುವುದೊಂದು ಭಾವ | ಈ
ಪರಿ ಪುಸಿಯಲ್ಲ ಶ್ರೀ ಪುರಂದರವಿಟ್ಠಲ ||೩||
0 ಕಾಮೆಂಟ್ಗಳು