|| ಶ್ರೀರಾಮ ಸ್ತುತಿ ||
ರಚನೆ : ಪುರಂದರದಾಸರು
ರಾಗ-ಪಂತುವರಾಳಿ :
ತಾಳ-ಅಟತಾಳ
ನಿನ್ನ ನಾಮವಿದ್ದರೆ ಸಾಕೊ
ಮುನಿದರೆ ಮುನಿ ನಿನ್ನಾಣೆ ಶ್ರೀರಾಮ
ಹೊದ್ದಿದ ಪಾಪವನೆಲ್ಲ । ಛಿನ್ನ
ಛಿದ್ರವ ಮಾಡಿ ಖಂಡಿಸಿ ಬಿಡುವ ||
ಎದ್ದರೆ ಸಂಗಡ ಬರುವ । ಎನ್ನ
ಮುದ್ದಿಸಿ ಮುಂದಕೆ ಮುಕ್ತಿಯ ಕೊಡುವ ||೧||
ಸಾರೆ ಸಂಗಡ ಬರುವ । ಎನ್ನ
ಸೇರಿದ ಪಾಪವ ಕೋಪದಿ ತರಿವ ||
ಝಾಡಿಸಿ ಕರ್ಮವ ಕಳೆವ । ಎನ್ನ
ಕೂಡಿಕೊಂಡು ವೈಕುಂಠಕ್ಕೆ ನಡೆವ ||೨||
ಪರಮಾನಂದವವೀವ ।
ನಿನ್ನ ಸ್ಮರಣೆಯೆಂಬುದು ಎನ್ನ ಜೀವಕ್ಕೆ ಜೀವ 8
ವರವ ಕೊಡುವುದೊಂದು ಭಾವ । ಈ
ಪರಿ ಪುಸಿಯಲ್ಲ ಶ್ರೀ ಪುರಂದರ ವಿಠಲ ||೩||
0 ಕಾಮೆಂಟ್ಗಳು