|| ಗುರು ರಾಘವೇಂದ್ರ ಸ್ತುತಿಃ ||
ಮನವೇ ಮಂತ್ರಾಲಯ
ನೆಲೆಸಿಲ್ಲಿ ಗುರುವೇ ಕರುಣಾಮಯ||ಪ||
ತಂದೆಯು ತಾಯಿಯು ಬಂಧು ನೀನೆ
ತಮವನು ಕಳೆಯುವ ದೀವಿಗೆ ನೀನೆ
ಕಲುಮಶ ತೊಳೆವ ಗಂಗಾಜಲ ನೀನೆ
ಕಂಬನಿ ಒರೆಸುವ ಕರುಣಾಳು ನೀನೆ
ಗುರುವೇ ಕರುಣಾಮಯ... ||೧||
ಕರೆದಲ್ಲಿಗೆ ಬರುವ ಕಾಮಧೇನು
ಕಾಮಿತಗಳನೀವ ಕಲ್ಪ ಸುಮವು
ಮಂಜುಳ ವೀಣಾ ಗಾನವಿನೋದಿ
ಮಹಿಮಾನ್ವಿತ ಮಂತ್ರಾಲಯ ವಾಸಿ
ಗುರುವೇ ಕರುಣಾಮಯ... ||೨||
ನರಹರಿ ಪದಕಮಲ ಸೇವಿಪ ಭ್ರಮರ
ಮರಳಿ ಧರೆಗಿಳಿದ ಗುರು ರಾಘವೇಂದ್ರ
ಶಿರಬಾಗಿ ನಮಿಸುವೆ ತವ ಪದ್ಮ ಚರಣಕೆ
ಕರುಣದಿ ಕಾಯೋ ಗುರು ಸಾರ್ವಭೌಮ
ಗುರುವೇ ಕರುಣಾಮಯ... ||೩||
0 ಕಾಮೆಂಟ್‌ಗಳು