|| ದುರ್ಗಾ ಸ್ತುತಿ ||
ದುರ್ಗೆ ಪಾಲಿಸೆ ಮಾತೆ । ನಂಬಿದೆ ಬ್ರಹ್ಮ
ಭರ್ಗಾದಿ ಸುರವಿನುತೆ ॥ ಪ ॥
ದುರ್ಗಮ ಭವದಿಂದ ನಿರ್ಗಮಗೈಸು , ಹೇ -
ಭಾರ್ಗವಿ ಸ್ವರ್ಗ ಅಪವರ್ಗ ಪ್ರದಾತೆ ॥ ಅ ಪ ॥
ಅಂಬರ ಭೂಮಿ ವಿಹಾರಿ । ಅಷ್ಟಾಯುಧ ದಿ -
ವ್ಯಾಂಬರಧಾರಿ ಅಸುರಾರಿ ।
ನಂಬಿದೆ ನಿನ್ನ ಪಾದಾಂಬುಜ ಎನ್ನ ಹೃ -
ದಂಬರದಲ್ಲಿಹ ಬಿಂಬನ ತೋರಿಸು ॥
ಅಂಬೆ ಸುನಿತಂಬೆ ಜಗದಂಬೆ ಶುಭಗುಣ ನಿಕುರಂಭೆ॥1॥
ನಂದಗೋಪನ ಕುಮಾರಿ । ನರಸಿಂಹಾಂಕ -
ಮಂದಿರೆ ಸಜ್ಜನೋದ್ಧಾರಿ ।
ಇಂದಿರೆ ಎನ್ನಯ ಇಂದ್ರಿಯ ಮನಸು ಮು -
ಕುಂದನ ಪಾದದಲ್ಲಿ ತಂದು ನಿಲ್ಲಿಸು ॥
ಎಂದೆ ಎನಗಿಂದೆ ಇನ್ನುಮುಂದೆ ಗತಿನೀನೇ ಎಂದೆ ॥2॥
ಸಿರಿನಾರಸಿಂಹನ ರಾಣಿ ವರನೀಲವೇಣಿ
ಪರಮಕಲ್ಯಾಣಿ ಗುಣಶ್ರೇಣಿ ।
ಪರತರ ಗುರುಗೋಪಾಲವಿಠ್ಠಲನ
ಚರಣಕಮಲದಲ್ಲಿ ಸ್ಥಿರವಾದ ಭಕುತಿಯ ॥
ನೀಡೆ ಎನಗೀಡೆ ನಲಿದಾಡೆ ದಯಮಾಡಿ ನೋಡೆ ॥3॥
0 ಕಾಮೆಂಟ್‌ಗಳು