 |
| kannadabhajanlyrics.blogspot.com |
|| ಹನುಮ ಸ್ತುತಿ ||
ಸದ್ಗುರು ಬಿಂದು ಮಾಧವರ ವಿರಚಿತಆದಿ
ರಾಗ : ದೇಶ್
ತಾಳ : ಆದಿ
|| ಎಲ್ಲಾರು ಸೇರಿ ಮಾಡೋಣ ಬನ್ನಿ |
ಹನುಮನ ಗುರುಧ್ಯಾನ ||
||ಭಕ್ತಿಯಿಂದ ಭಜನೆಯ ಮಾಡಿ|
ಸೇರೋಣ ಕೈಲಾಸ || ಪ ||
ಇರುವೆ ಎಂಬತ್ತು ಲಕ್ಷ|ಜೀವರಾಶಿ ಯೋನಿಯೊಳಗೆ|
ತಿರುಗಿ ಬಂದ ದೇಹವು | ಬಹು ನಾಶ ||
ಎದ್ದರೆ ಬಿದ್ದರೆ | ಹನುಮನ ನೆನೆದರೆ |
ಆವಾಗ ಆಗುವುದು ಮೋಕ್ಷ || ಎಲ್ಲಾರು || ೧.
ಮರದ ಮೇಲಿನ | ಪಕ್ಷಿ ಹಾರಿದ್ಹಂಗೆ |
ಹಾರುತೈತೆ ಮನಸಾ |
ಬೆಲಗೂರ್ ಹನುಮನ|ವಾಕ್ಯವ ಪಡೆದು |
ಕಳಕಳ್ಳೊ | ನಿನ್ನ ದೋಷ || ಎಲ್ಲಾರು ಸೇರಿ|| ೨.
ಸಂಸಾರೆಂಬುದು|ಸತ್ಯವಲ್ಲ|
ಮಾಯದ ಬಹು ಮೋಸ ||
ಬೆಲಗೂರ್ ಹನುಮನ|ಪಾದವ ಪಿಡಿದು |
ಕಳಕೊಳ್ಳೊ ನಿನ್ನ ದೋಷ || ಎಲ್ಲಾರು || ೩.
0 ಕಾಮೆಂಟ್‌ಗಳು